324 LIBURNEN.

firmari animadvertit, pluribus ex processualibus actis de- ductis.

Septimae manui mulieris, testes a viro inductos plene consonare animadvertit orator. Sane hi non modo unanimi- ter fidem Acestis aifirmationibus haud denegant, sed et fac- tum inconsummationis concorditer admittere videntur. Ut ea praeteream quae retulerunt quoad haec Sophia Puccinelli, sponsi amita, eiusque patruus Orestes et Olinthus Ferrini, iudici percontanti quomodo testes matrimonii inconsumma- tionem cognovissent, respondebat Ioannes Vigoni : scivi ex communi voce, inconsummationem hanc tribui virium defe- ctui mariti.

Omnibus tandem depositionibus fastigium imponere censet patronus Augustus Gasparri, amicum rei conventi et ab eo inductum, qui sub iuramenti fide testatur : rescivisse, post aliquot ab inito matrimonio dies, hanc inconsummationem, a Sacerdote Battaglia, cui, uti parenti, rem patefecerat ma- ritus Acestes.

Verum pergit orator, si qua adhuc dubitationis alea su- peresse posset, hanc evanescere dicendum est si prae oculis habeantur depositiones et relationes obstetricum et peritorum medicorum, qui ad iudicialem Mariae corporis inspectionem processerunt. Observat autem in themate corporalem inspe- ctionem ita sollicite et ad regulam fuisse peractam, ut nulla ex praescriptionibus fuerit omissa quae a sacris canonibus in huiusmodi casibus mandantur.

Obstetrices autem coram iudice unisona voce Mariam in- tegram proclamasse enarrat.

Has vero obstetricum conclusiones a peritis medicis mi- rifice confirmari patronus edicit.

Quibus iudicialibus utriusque medici depositionibus ple- nam confirmationem accedere memorat ex iis quae iidem in relationibus, scripto seorsim panditis, retulerant. Quare con- cludit patronus ita extra dubitationis aleam matrimonii in- consummationem fuisse positam, ut nil aliud ad rei eviden- tiam desiderari possit.