324 MOTUPROPRIO

ipse praesit, quique coram eo statos habeant conventus. Pri- mosque ex instituto nominamus:

MIECISLAVM LEDOCHOWSKI

BENEDICTVM MARIAM LANGENIEVX

MARIANVM RAMPOLLA DEL TINDARO

VlNCENTIVM VANNVTELLI

ALOISIVM GALIMBERTI

HERIBERTVM VAVGHAN

IOSEPHVM MARIAM GRANNIELLO

Erunt praeterea, ut sacris in Consiliis urbanis assolet, con- venienti numero Consultores, item a Pontifice designandi: in quibus pari loco ii habebuntur quos Patriarchae catholici orien- tales, tamquam legatos suos in Urbe consistentes, singuli sin- gulos, destinaverint. Consultorum sit, doctrinam suam, pru- dentiam, rerum usum naviter conferre cognoscendis instruen- disque causis quae in deliberationem Pontificis et Cardinalium, quos supra diximus, deferantur: deferet autem ille ex Consul- toribus, cui Pontifex mandaverit eiusdem Commissionis esse ab actis; cui propterea licebit eis ipsis pontificiis congressionibus ex officio interesse.

Haec vero consilia et decreta, quorum, exitum auspiciis providentissimi Dei praecipue commendamus , rata firmaque consistere auctoritate Nostra volumus et iubemus.

Datum Romae apud Sanctum Petrum die xix Martii anno MDCCCXCV, Pontificatus Nostri decimo octavo.

LEO PP. X I I I .