324

TORNACEN.

DISPENSATIONIS MATRIMONII

Die 26 Ianuarii et 17 Augusti 190i.

S e s s . 24, c a p . 5, De ref. m a t r .

C OMPENDIUM FACTI. Gustavus, dioecesis Tornacensis, die 23 Februarii 1895, praemissis solemnitatibus civilibus, con- iugali foedere coram Ecclesia iunctus est Mariae, dioe- cesis Mechliniensis. - At huic matrimonio miserrimus cito secutus est exitus ; siquidem, si vera sunt quae narrantur, Maria hoc matrimonium eo fine contraxisse videtur, ut per civilem contractum legitimis natalibus restitueret prolem, quam tribus abhinc annis habuit ex alio viro. Quocirca, fa- tente Gustavo, coniuges prima nuptiarum nocte uno eodem ledo usi sunt ; sed mulier ob quamdam transitoriam infir- mitatem matrimonium consummare renuit, quinimo mane insequentis diei a marito discessit et apud matrem se rece- pit. Post decem dies ad maritum rediit, et nocte cum eo dormivit, quin tamen, uti fertur, induci potuerit ad coniugale debitum reddendum ; quocirca altera post die maritalem do- mum iterum dereliquit, non amplius reversura.

Huiusmodi status pertaesus vir, ut aliam mulierem sibi sociam haberet, obtenta prius a tribunali civili favorabili sententia divortii, ad SSmum Principem recursum habuit, implorans ut secum dispensaretur super matrimonio rato et non consummato. Preces remissae fuere Ordinario Torna- censi, ut super asserta non consummatione matrimonii pro- cessum institueret. Reque vera Curia Tornacensis, rite t r i - bunali constituto, virum excussit ac septimae manus testes, qui de honestate et veracitate actoris plenum dederunt te- stimonium; mulier vero ter vocata, totidem contumax iu- dicis mandato non paruit.

EX S. CONGREGATIONE CONCILII