E X A C T I S C O N S I S T O R I A L I B U S 325

Archiepiscopalem Ecclesiam Caietan, vacan, per translationem R. P. D. Ni- colai Contieri ex Ordine S. Basila ad titularem Ecclesiam Archiepiscopalem Phar- saliensem; favore R. P. D. Francisci Niòla Episcopi Laquedoniensis.

Metropolitanam Ecclesiam Rossanen, vacan, per translationem R. P. D. Salva- toris Palmieri e Congregatione Missionis a Pretioso Sanguine D. N. I. C. ad titu- larem Ecclesiam Archiepiscopalem Sardianam, favore R. D. Donati Dell' Olio, Pre- sbyteri Vigil iensis sub Archiepiscopo Tranensi. Qui ex legitimis, catholicis, hone- stisque parentibus Vigiliis sub Archiepiscopo Tranensi progenitus et in quadrage- simo quarto aetatis suae anno constitutus, scholarum patrii seminarii regimen, atque studiorum et disciplinae Praefecturam tenens, philosophicas inibi tradens disci- plinas, ac theologicam explicans Summam Angelici Doctoris, Canonicus theologus Vigilensis hucusque renunciatum est.

Ecclesias Metropolitanas Gnesnen, et Posnanien. invicem perpetuo canonice unitas, vacan, per obitum bo. me. Iulii Iosephi Dinder, ultimi illarum Archiepiscopi, extra romanam curiam defuncti, favore R. P, D. Floriani Stablewski Presbyteri Po- snaniensis archidioeceseos. Qui ex legitimis, catholicis, honestisque parentibus in urbe Transtadii, Wschowa, archidioecesis Posnaniensis progenitus et quinquagesi- mum aetatis suae annum supergressus, in sacra theologia dudum laurea donatus doctorali, inter Sanctitatis Suae ab intimis Cubiculis ad honorem prius, ac dein inter Protonotarios Apostolicos ad instar participantium adscitus est.

Ecclesiam titularem Episcopalem Amathen. sub Patriarcha Hierosolimitano va- can, per successionem ad sibi unitas Sedes Cathedrales Melphitènsem, Terlitiensem ac Iuvenacensem R. P. D. Paschalis Corrado, favore R P. D. Gherardi Arardi Epi- scopi renuntiatarii Carpensis.

Cathedralem Ecclesiam Aretin. vacan, per promotionem R. P. D. Iosephi Giusti ad titularem Ecclesiam Archiepiscopalem Nisibenam, favore R. P. D. Domnini Don- nini Episcopi Deinen.

Cathedralem Ecclesiam Verulan. vacan, per obitum bo. me. Ioannis Baptistae Maneschi, ultimi illius Episcopi extra romanam curiam defuncti, favore Pauli Fio- ravanti, Presbyteri Nepesin. Qui ex legitimis, catholicis, honestisque parentibus orius et in quinquagesimo aetatis suae anno constitutus, Nepesini Seminarii Rector adle- ctus, Examinatoris Pro Synodalis et Convisitatoris munere perfunctus, Canonicatu Poenitentiario prius et hucusque prima Archipresbyteratus dignitate in Basilica Ne- pesina Cathedrali cohonestatus est.

Cathedralem Ecclesiam Lucerin. vacan, per obitum bo. mem. Iosephi Mariae Cotellessa, ultimi illius Episcopi extra romanam curiam defuncti, favore R. D. Car- meli Ciotola, presbyteri Neapolitani. Qui ex legitimis, catholicis, honestisque paren- tibus Neapoli progenitus et in quinquagesimo octavo aetatis suae anno constitutus, pro-Rectoris illius archiepiscopalis seminarii, et in Congregatione ad iuvenum, qui. studiis kdant operam, animos in pietate efformandos Pro-Moderatoris munere per- functus ceu moderator spiritualis, et Regii pauperum hospitii, ac Puellarum Virgi- num sub titulo S. Annae, ac perpetuus revisor Neapolitani Cleri ad praesens usque adlectus est.

Cathedralem Ecclesiam Viglevanen. vacan, per obitum bo. me. Petri Iosephi Degaudenzi. ultimi illius Episcopi extra romanam curiam defuncti; favore R. P. D. Iacobi Merizzi, Presbyteri Comensis dioeceseos. Qui ex legitimis, catholicis, nobili- busque parentibus Tirani Comensis dioeceseos progenitus et quinquagesimum se- ptimum aetatis suae annum supergressus, dudum doctorali laurea donatus, Iudicis