272. De s. Leone Catanensi.

Ad Vesperas.

1. Mentibus laetis hodie canamus
Praesulis divi Carinae Leonis
Festa, quae nostri coluere patres
Laudibus almis.

2. Qui sacer primis venerandus annis
Patriam linquens merito replevit
Italas urbes, simul et Sicanas
Nomine sacro.

3. Praesul electus, pietate claras,
Legibus sacris cupide vacavit,
Verbo et exemplo populum refovit
Mitis ad omnes.

4. Hic magum vicit populo stupente,
Cum crucis signo simulacra vertit,
Quae prius nemo potuit sacrorum
Frangere patrum.

5. Hujus excelsis meritis precemur,
Christus ut nobis tribuat salutem,
Arceat pestem simul et iniqui
Semina belli.

6. Gloriam trino Domino perennem,
Tum patri et nato simul utriusque
Flamini sancto supplici canamus
Corde per aevum.