328 Decimarum super liquidatione

siae iura tutanda minimam libellarum 400 pro quolibet anno

summam petierit.

Secundam quaestionem pertractabat, recolens S. Concilii

Congregationem plebani ius exigendi decimas admisisse, et

quidem ad rationem vigesimae. Proposito namque dubio an et

quomodo Plebano S. ius competat decimandi vinum in casu,

responsum fuisse in Congregatione diei 12 decembris 18 7 2 :

Affirmative iuxta vicesimam partem redituum. Et licet ob

novam audientiam a Familia N. impetratam, in generalibus

comitiis diei 12 decembris 1874 decimae quantitas ad trige-

simam partem cohibita fuerit, tamen hanc resolutionem non-

nisi ad concordiam inter partes conciliandam locum habuisse,

quia responsum fuit complementum praecedentis resolutionis

diei 12 septembris 1872, qua rescriptum est placere de con-

cordia. Igitur cum concordia conventio sit, planum esse con-

cordiam ab ipso S. O. indictam, futurum tempus non praete-

ritum respicere posse, quia conventio futurum respicit non

anteactum tempus, nisi de anteacto expresse cautum fuerit.

Nec esse obiicendum in themate quod S. O. responsum

pro vera sententia habendum sit : non enim agi de sententia

elicita in iudicio stricti iuris, sed de vera amicabili concordia

ideoque firmum manere decimas ab anno 1868 ad integrum

1874 ad rationem vigesimae esse adhuc solvendas.

Tertiam quaestionem absolvebat ex canone iurisprudentiae

notissimo quod habet: expensas in iudicio ab eo esse reii-

ciendas qui victus ab arena discessit. Familiam N. omne ius

Plebani ad decimas adversatam fuisse, e contra S. Congre-

gationem ius decimandi Plebani firmum immotumque habuisse

ac propterea in vado esse cladem a Familia N. in iudicio

perpessam.

Neque praesidium ex eo esse captandum quod coram

S. Congregatione nonnisi in casibus expressis expensarum

refectio admittatur: etenim cum ad Familiae N. importuni-

tatem, quae ipsum inficiabatur ius decimandi, tribuendum sit

quod lis fuerit agitata, applicandam esse in casu regulam