328 SABINEN.

misisse, ut poenitentium pietati satisfaceret et sub finem, iam confessis, sacram administravisse sinaxim : interea tamen sese multatum fuisse, utpote qui obligationi chorali pro matutino et laudibus non satisfecerit. Archipresbyter ratus hoc lae- dere iura et privilegia parochialia, rem S. C. Congregationi dirimendam detulit.

Disceptatio Synoptica.

PUNCTATURA SERVANDA VIDETUR. Re quidem vera nemo est qui ignorat interessentiam ad divina officia grave iustitiae ac religionis officium canonicis esse. Etenim praebenda qua ditantur, ad id praecise est ipsis concessa, ad id praecise fuit eisdem a benefactoribus constituta, ut vacare libere possint in persolvendis divinis laudibus, et ut Deo in ministerio al- taris deserviant. Addas, canonicos vi promissionis ac iurisiu- randi, quae in possessione sui beneficii emittunt, fortiori etiam vinculo, quasi vi pacti, coram confratribus ligari atque adstringi. Unde nonnisi ex gravissimis causis a suo officio valent dispensan, nimirum iuxta normam a Bonifacio VIII in cap. Consuetudinem De cler. non resid. traditam, et confirmatam a Tridentino sess. 24 cap. 12 De refor., illi tantummodo « quos infirmitas seu iusta et rationabilis et » corporalis necessitas, aut evidens Ecclesiae utilitas ex- > cusaret. » Qui igitur canonici absque legitima causa suo muneri desunt, praeter gravem peccati reatum, quem in- currunt, poenis diversimode plectuntur, incipiendo a distri- butionum amissione, usque ad ipsius beneficii privationem.

Porro ii quibus animarum cura incumbit etsi, dum va- cant suis ministeriis parochialibus, tamquam praesentes in choro habeantur, nihilominus et ipsi si negligant aut sub futili praetextu se eximant a chori servitio, non modo pec- cant, sed et punctaturam incurrunt. Et quamvis non possit in singulis absentiae casibus iudicium institui super legiti- mitate causarum, quia sumus in humanis, et vix impossibile est singula prosequi momenta, ideoque super id, iuxta S. C. C.