QUAESTIO UNICA.

Vivum Christus meruerit omnibus nobis gratiam, et gloriam, et remissionem culpae et poenae.

Alensis 3. part. quaest. 61. membr. 4. art. 2. D. Thom. 3. part. quaest. 19. art. 3. et quaest. 48. art. 2. et hic quaest. 1. art. 5. D. Bonarent. art. 1. quaest. 1. 3. 4. et dist. 18. art. 2. quaest. 3. Richard. ib. art. 2. quaest. 4. et hic art. 1. per totum. Capreol. dist. 18. quaest. unio. art. 3. Suarez 3. part. tom. 1. dist 41. sect. 1. et 3. Vasquez 3. part. dist. 77. Driedo de capt. tract. i.cap. 2. part. 3. Richard. art. 6. sig. Iterum objicitur. Henric. quodlib. 5. quaest. 10.

Circa secundum, quod pertinet ad distinctionem decimam nonam, ubi quaeritur : Utrum Christus meruerit omnibus nobis gratiam et gloriam, et remissionem culpae et poenae, etc. arguitur quod non, quia praemium excedit meritum, et meritum ordinatur ad praemium, sicut ad finem sed praemium omnium aliorum non excedit meritum Christi igitur meritum Christi non ordinatur ad illud sicut ad finem, cum sit nobilius quam illud praemium ; ergo.

Praeterea, meritum Christi fuit quoddam bonum finitum, cum fuerit ejus secundum naturam humanam ; sed peccatum aliorum fuit infinitum malum, quia tanta offensa, et peccatum, quantus est ille qui offenditur, sive contra quem peccatur, vel a quo per ipsum separatur, ille est infinitus, scilicet Deus ; igitur cum finitum non sit proportionatum infinito, nullum meritum Christi potuit mereri deletionem offensae.

Praeterea per idem potest probari, quod non meruit deletionem poenae pro reatu infinito aliorum, quia poena, quae debetur illi peccato, est infinita, et meritum Christi finitum ; ergo.

Praeterea, de possibili possunt esse homines infiniti, si mundus et generatio semper duraret, et quilibet natus de Adam contraheret originale peccatum ; igitur foret tunc in mundo, in post sumendo, infinita culpa ; igitur cum meritum Christi fuerit finitum, non suffecisset pro remissione offensae, et collatione gratiae et gloriae omnium.

Praeterea, si suffecisset ad merendum omnibus gratiam et gloriam, omnibus conferretur gratia et gloria ; quod falsum est, quia multi sunt vocati, pauci vero electi, quia paucus est numerus fidelium, nec omnes fideles, vel baptizati salvantur.

Contra, Leo Papa in sermone de Nativitate : Sicut a reatu nullum liberum reperit, sic liberandis omnibus venit.