Scholium.

Unum non est paucum, quia paucum est multitudo excessa. Vide expositionem Doctoris in textum hunc.

Dicendum, quod unum non est paucum, nam sicut longitudo se habet ad producere, et breve tanquam ad suas passiones: sed omne breve, est quoddam longum, et brevitas est passio longitudinis: igitur esse paucum est quoddam multum, quia paucum est passio pluralitatis: sed unum non est aliquid multum; igitur vnum non est paucum. Unde intelligendum, quod multitudo dupliciter potest accipi; vel potest denominare pluralitatem excedentem, et sic opponitur pluralitati excessae, paucum enim est pluralitas excessa.

Aliter potest multitudo importare pluralitatem simpliciter, et sic opponitur unis et quia unum non est multitudo excessa, ideo unum non potest dici paucum.

Ad primum dicendum quod multem contrariatur uni ut simpliciter est acceptatum, sed est oppositum tomo ut importat quamdam rationem excedentis: et ita cum opponitur uni et pauco, hoc non est secundum eamdem rationem, propter quod non sequitur quod unum sit paucum.

Ad secundum cum dicitur, quod duo sunt multa, dicendum quod si multum importat multitudinem simpliciter, duo sunt multa respectu unius. Si vero multum importat multitudinem excedentem, duo non sunt multa; imo sic duo sunt a primo pauca, quia dualitas est prima multitudo excessa.

Ad tertium dicendum, quod non omne minus aliquo est paucum respectu ejus, licet omne paucum sit minus alio; non tamen omne minus est paucum, quia non omne minus est multum excessum, et ideo non oportet, etc.

Multitudo enim quasi genus est numeri. Text. 21.