330 Acta Apostolicae Sedis - Commentarium Officiale

Suppleto igitur, quatenus opus sit, quorum intersit vel eorum qui

sua interesse praesumant consensu, de apostolicae Nostrae potestatis

plenitudine, ab Apostolica Praefectura de Oalabar totam provinciam

eivilem de Ogoja distrahimus eamque in novam, sub eodem nomine de

Ogoja, Praefecturam Apostolicam erigimus et constituimus atque prae-

fatae Sancti Patritii Societatis Missionariis, qui tanto illic sollerti studio

adlaborant, ad Nostrum tamen et Sedis Apostolicae beneplacitum, evan-

gelizandam concredimus.

Huic autem novae Praefecturae eiusque pro tempore Antistitibus

omnia tribuimus iura, privilegia, honores et potestates, quibus ceterae

per orbem Praefecturae earumque Praefecti iure communi fruuntur et

gaudent, eosque pariter iisdem adstringimus oneribus et obligationibus

quibus ceteri adstringuntur.

Quae omnia, ita disposita et constituta, rata ac valida esse et fore

volumus ac iubemus, contrariis quibuscumque minime obstantibus. Ha-

rum vero Litterarum transumptis aut excerptis, etiam impressis, manu

tamen alicuius notarii publici subscriptis et sigillo viri in ecclesiastica

dignitate vel officio constituti munitis, eamdem prorsus volumus haberi

fidem, quae hisce iisdem Litteris haberetur, si ipsaemet exhibitae vel

ostensae forent.

Nemini vero hanc paginam dismembrationis, erectionis, constitutio-

nis, commissionis, statuti et voluntatis Nostrae infringere vel ei contraire

liceat. Si quis vero, ausu temerario, id attentare praesumpserit, indigna-

tionem omnipotentis Dei et beatorum Apostolorum Petri et Pauli se

noverit incursurum.

Datum Romae apud S. Petrum, anno Domini millesimo nongente-

simo trigesimo octavo, die tertia decima mensis Martii, Pontificatus

Nostri anno decimo septimo.

Fr. TH. PIUS, O. P., Card. BOGGIANI P. Card. FÜMASONI BIONDI Cancellarius 8. R. E. 8. C. de Propaganda Fide Praef.

Alfonsus Carinci, Proton. Apost.

Ludovicus Kaas, Proton. Apost.

Loco SB Plumbi

Reg. m Cane. Ap., Vol. LIX, n. 11 - Al. ïrussardi.