33o Ex S. C. Concilii

art. 11 Concordati a. 18 J 8 ita se habente : « Praevio concursu in paroeciis liberae collationis Episcopi eas conferent iis inter adprobatos, quos digniores iudicabunt » ; et hoc iure fuisse usos Episcqpos Potentinos pluribus firmat adductis exemplis. Quoad vero duos Vice-Curatos Archipresbytero in cura ani- marum adsistentes, sive hi a Capitulo sive ab Archipresbytero deputentur, advocatus contendit eos subiici debere confirma- tioni et adprobationi Episcopi. Quin imo cum hi iuxta vete- rem inolitam consuetudinem fere totum sustineant onus curae actualis animarum, necessarium videretur eos fieri obnoxios examini de idoneitate, uti in citata litera circulan a. 1 7 9 7 fuit praescriptum pro participantibus in ecclesiis receptitiis coadiu- vantibus parochum in exercitio curae animarum.

Quarto demum advocatus observat, cum iuxta Concor- datum a. 1 8 1 8 , Breve Impensa et alias Ordinationes ecclesia Cathedralis Potentina iurisdictioni Episcopi sit subiecta, ne- cessario sequi ipsius Capitulum teneri ad reddendam rationem propriae administrationis Episcopo, uti Conc. Trid. (Sess. 22, c. p de Refor.) praescribit. Hinc a Capitulo Episcopus exigere potest ostensionem librorum Capitularium administrationis, quando accedit ad aulam Capitularem; quin imo et eorum delationem ad palatium Episcopale iubere potest pro eorum examine uti tradit Scarfant. (Lib. 4, tit. 4, n. 16) et De Herdt (Praxis Capit., c. 16, § 4, n. j).

Iura Capituli. Ex altera parte patronus Capituli pluribus argumentis, primum adstructo quod ecclesia Cathedralis Po- tentina est vere receptitia, contendit ei non esse applicandum Breve Impensa. Sustinet enim, Capitulo ius inesse in suum clerum cooptandi clericos Potentinos alienigenis exclusis ; id descendere ait ex natura ecclesiae receptitiae et ex iure civico, atque probat auctoritate Card. De Luca (De canon. disc. 22, n. 4). Hanc doctrinam advocatus deinde probat praxi et di- sciplina recepta in ecclesia Potentina. Sane ex libris Capitu- laribus, constat nonnisi cives Potentinos, et praevia eorum petitione a Capitulo fuisse adscriptos.