332 MILETEN.

Disceptatio Synoptica.

DEFENSIO VIRI . Patronus viri, quum obtinuisset ab Apo- stolica Sede facultatem utendi testimonia adhibita in processu civili quoad physicum mulieris statum*, statuit se protueri dispensationem a matrimonio rato et non consummato.

Hisce praemissis, quoad Raphaelis iuratum examen ani- madvertit, iuxta veritatem illa retractavisse quae antea sim- pliciter in civili tribunali asseruerat, ne sacrilegio se expo- neret violans iusiurandum apud ecclesiasticum iudicem. Ru- bore siquidem affectum aliter se gessisse refert, quia nemo tenetur semetipsum prodere. Ast cum hodie agatur de sacro ligamine, confiteri cogor, ait, nedum me non consummavisse matrimonium, sed neque habuisse plenam erectionem, quod praecedenter ad vinculi defensoris interrogationem confessus ipse fuerat.

Mulier quoque interrogata retulit, virum etiam post men- sem assiduae curationis, consummare nequivisse.

Utriusque coniugis examini suffragari edicit patronus testes credulitatis septimae manus. De his enim a iudice formiter interrogatis quoad veritatem ac religionem Raphae- lis quilibet testatur de probitate Raphaelis Valensise ; et pro certo tenet illum non consummavisse matrimonium. Et quinque alii testes declarant sibi persuasum esse et unus- quisque opinatur prorsus fore impossibilem animorum recon- ciliationem.

Eadem orator affirmat deposuisse testes rite in Curia cuneensi interrogatos. Et ipsa mater mulieris dissidium at- tribuit impotentiae ; et censet impossibilem reconciliationem animorum: quod alii etiam testes confirmant.

Nec absimiliter deposuisse memorat alios testes qui Mes- sanae commorantes, ab archiepiscopali Curia messanensi fuerunt examinati. Enarrat enim, istos sub fide iurisiurandi testâtes fuisse non modo Rosam Loffredo religiosam esse et mentiri nesciam, sed etiam ipsius confessionem inniti veri-