332 Ex S. C Concilii

quoad adscribendos clericos et nominandos canonicos iuxta priscos mores cum Ordinariorum adprobatione.

Quin negotium facessat quod Pianum Breve omnes con- trarias consuetudines aboleat, siquidem reponit, hoc referen- dum esse ad consuetudines iam existentes, non autem ad futuras, quae legitimis suffultae requisitis loco legis habentur. Deinde advocatus nonnullas recenset ecclesias, in quibus Breve Pianum non fuit receptum ; inter quas citat etiam reso- lutionem in Oritana - Adscriptionis ecclesiae, 31 Maii 1 9 0 2 .

Neque advocatus putat sibi utiliter opponi posse decisio- nem in causa Potentina - Canonicatus, 16 Iulii 1 8 9 8 , in qua nominatio sacerdotis Michaelis Padula, etsi a Capitulo non fuisset facta, tamen fuit ab H. S. C. recognita ; et nulla novo canonico imposita fuit obligatio gratuiti servitii. Recolendum siquidem esse ait tunc temporis iam a pluribus annis vacasse quatuor canonicatus, et nihilo secius Capitulum Michaelem Padula inter canonicos eligere detrectabat. Hinc Episcopus, utens iure devolutivo vel potius ad supplendam Capituli negli- gentiam, praefatum Sacerdotem nominavit canonicum ; et hinc etiam eidem servitium gratuitum non fuit impositum, quia pervicax contrarietas Capituli in causa fuit cur servitium gra- tuitum ab eodem Sacerdote non praestaretur statuto tempore.

Demum quoad deputationem Vice-Parochorum advocatus contendit eam spectare Capitulo, tum quia Capitulum uti parochus habitualis hoc ius exercuit ab immemorabili,, tum quia hi parochi assistentes a Capitulo retributionem acci- piunt. Nec aliud profecto sentiendum esse censet quoad red- ditionem administrationis , quia Capitularia bona , sive ante fundorum direptionem a fisco patratam sive post, a Capitulo administrata sunt independenter ab Episcopo.

Dubia. I. An ecclesia Cathedralis Potentina subiaceat dis- positionibus Brevis Impensa Pii VII, iß Augusti 1819.

II. An et quomodo providendum sit quoad aggregationem clericorum et servitium ab iisdem praestandum in casu.