Appendix VII 333

adversus Catholicos persecutiones ingruunt; unde opus est, ut septi- formis Spiritus virtute roborentur, qua non solum corde credant ad iustitiam, sed etiam ore confessionem faciant ad salutem, seque para- tos exhibeant pro Christo etiam sanguinem fundere.

Cum hoc Sacramentum indelebilem in anima characterem impri- mat, reiterari non debet, et propterea qui est confirmatus ad illud recipiendum non audeat accedere, sicuti nec excommunicatus, inter- dictus, divinis communicans cum haereticis, aut schismaticis, vel qui ritus idololatricos usurpât, sive alio modo publice peccat; item qui praeceptum paschale non adimpleverit.

Caveant Confirmandi ne sordida fronte, 1 capillisque impexis ad hoc Sacramentum accedant, vestibus tamen sint induti, quemadmo- dum et Patrini, simplicibus, et ad modestiam compositis. Mulieres vero illud suscepturae, et quae matrinarum officium exercebunt, non se in Ecclesia cum vanis ornamentis, aut fucata facie, sed cum omni modestia, et reverentia praesentent.

Si qui ex Confirmandis turpe nomen, vel Christiano homini non conveniens, haberet, aliud in Confirmatione assumat. 2

Quamquam de necessitate huius Sacramenti non sit, ut in eo recipiendo Patrinus, vel Matrina adhibeatur, id tamen laudabilis Ecclesiae consuetudo suadet, sacrique canones praescribunt. ?

Ab hoc vero munere excluduntur tum minores annis quatuor- dec im, 4 tum qui Sacramentum Confirmationis nondum receperunt. 5 Verum quia contingere potest, ut in locis Missionum nullus adsit, qui antea confirmatus fuerit, permittitur in hoc casu, ut aliqui sine Patrino confirmentur, qui postea Patrini ceterorum esse poterunt.

Ad Patrinos huiusmodi quod attinet, hae insuper regulae erunt observandae: I. Ut non plures , 6 sed unus tantum, sive vir, sive mulier, in Patrinum, aut Matrinam adhibeatur. II. Ut nec foeminis mares , 7 nec maribus foeminae Patrini officium praestent, sed suo quisque sexui Patrinus adhibeatur. III. Ut nisi necessitas cogat , 8

idem non sit, sed diversus Confirmationis Patrinus a Patrino Bap- tismi. IV. Ut a Patrini munere arceantur excommunicati, * interdicti, publici peccatores, aut qui praeceptum paschale omiserint.

1 Concil. Aquense an. 1585. Instructio supradicta. 2 Concil. Aquense an. 1585, Concil. Tolosan. an. 1590, S. Carolus Borrom.

in V. Synodo Mediolanen. 3 Sacramentar. S. Gregorii M. Ordo Romanus apud Hittorpium. 4 Instructio praedicta. s Can. In Baptismate, 102, de Consecrat, dist. 4. 6 Can. Non plures, 101, dist. 4. 7 Pontifie. Rom. 8 Can. In Chatechismo, 100. de Consecrat, dist. 4. 9 Pontifie. Rom.