334 Appendix VII

Circa cognitionem spiritualem, quae in hoc Sacramento contra- hitur, haec statuit Tridentina Synodus: 1 Ea quoque cognatio, quae ex Confirmatione contrahitur, Confirmantem, et Confirmatum, illiusque patrem, et matrem, ac tenentem non egrediatur, omnibus inter alias personas huius spiritualis cognationis impedimentis omnino sublatis.

Quod quidem Concilii decretum locum habet in iis, qui ad Tri- dentini statuta servanda adstringuntur. Ceteri vero disciplinae in suis regionibus vigenti hac in parte se conforment.

Cum tempus advenerit, quo Sacerdos utens facultate sibi ab Apostolica Sede, ut supra, tributa, administrare Confirmationem intendit, vestibus sacerdotalibus, vel saltem Alba et Stola indutus, stans ante Altare versus ad populum hinc inde dispositum (masculis a dexteris, foeminis vero a sinistris) circumstantes summarie de praemissis admoneat, eisque praesertim denunciet, quod nullus alius nisi solus Episcopus Confirmationis ordinarius minister est; se vero paratum esse illam conferre iure per S. Sedem delegato.

Mox delegationis decreto, sive brevi Apostolico lingua vernacula, alta et intelligibili voce lecto, iterum moneat adstantes, quod nullus Confirmatus discedat, nisi benedictione accepta, quam ipse post omnium Confirmationem daturus est. Item, quod infantes, si quos in prima aetate iusta de caussa confirmandos existimaverit, per Patrinos teneantur in brachiis dexteris, et quod adulti ponant pedem suum super pedem dexterum Patrini sui.

Hac altera monitione completa 2 pariter stans, et versa facie ad Confirmandos, iunctis ante pectus manibus, Confirmandis vero genua flectentibus, et manu ante pectus iunctas tenentibus, dicit:

ii. Spiritus Sanctus superveniat in vos, et virtus altissimi custo- diat vos a peccatis. Amen.

Deinde signans se manu dextera a fronte ad pectus signo Crucis, dicit :

f. Adiutorium nostrum in nomine Domini. Qui fecit coelum et terram,

f. Domine exaudi orationem meam. % Et clamor meus ad. te veniat, f. Dominus vobiscum.

Et cum spirito tuo. Tunc extensis versus Confirmandos manibus dicit:

OREMUS.

Omnipotens sempiterne Deus, qui regenerare dignatus es hos famulos tuos ex aqua, et Spiritu Sancto ; quique dedisti eis remis- sionem omnium peccatorum; emitte in eos septiformem Spiritum Sanctum Paraclitum de coelis. tf. Amen.

1 Sess. 24, de Reform. Matrimonii, cap. 2. 2 Pontifie. Rom.