332. De ss. Vincentio, Sabina, Christete.

1. Congaudeat hodie
fidelium caterva,

2 a. Digne sanctorum
recolendo martyrum
veneranda

2 b. Vincentii,

Sabinae et Christetae
sollemnia.

3 a. Qui sequentes Christi
vestigia
mundi huius
contempserunt gaudia:

3 b. Cuius roborati
et gratia
martyrio
tradiderunt corpora.

4a. Iudicis imperia
Daciani pessima
audiuntur per tota
Hispaniae climata.

4 b. Trahitur ad idola

plebs Christi libatura,
qui non flectunt genua,
trucidantur capita.

5 a. Alii cruciantur
per diversa
dire tormentorum
genera;

5 b. Quibusdam patescunt
macerata

atque disrumpuntur
viscera.

6 a. Haec pro Christi gratia
patiuntur martyria
christianorum agmina.

6 b. Non sunt tamen haec digna
certe illa pretiosa,
qua coronantur, gloria.

7 a. Sed eculei
patibula,

tormentis cunctis,
ut ferunt, graviora,

7 b. Haec sustulerunt
laetitia
Vincentius,
Sabina et Christeta.

8. Quorum post haec dignisima
humo deponuntur coipora
minutim flagellis laniata.