334. De Hospitalitate.

1. Cum Deus in principio

Cuncta creaverat,

De caeli tandem solio

Verbum et miserat

Naturae praeiudicium

Fit natus de virgine

nascendo.

De causis saluberrimis

Deus incarnatur,

Omissis sed plurimis

Sola nunc dicatur,

Ut expiaret vitium

Factus est virtutes

docendo.

Quas sua sapientia

Singulariter

Factis decoravit,

Sed unam per insignia,

Dum Thetidem in Lyaeum

Nuptiis commutavit,

Et quando quinque milia

Monte praedicando

Cibavit quinque panibus

Plenam his copiam

ministrando.

2. Haec virtus hospitalitas

Dici promeretur,

Nil valet, si non caritas

Illi maritetur,

Ne fiat cum tristitia,

Ipsam vultus hilaritas

decoret.

Creator enim hilarem

Amat largitorem,

Servemus morem comparem

Hunc sequendo doctorem,

Donantes cum laetifia

Nec fraus vel subsannatio

laboret.

Hospitem decet hospites

Curialibus

Verbis pertractare,

Quolibet actu permites

Eosdem familiam

Condecet honorare ;

Nam probi augent famuli

Decus hospitii,

Sed servi nequam denigrant,

Pleni sint iugiter hi

supplicii.

3. Nonnulli sunt in propriis

Per te manducantes,

Extraneis hospitiis

Laute convivantes,

Illorum hospes fieri

Non delectatur Henricus

Moralis.

Talium vita sepulcrum

Iuste iudicetur,

Quod foris est nimis pulchram,

Sed intus videtur

Vermibus variis repleri,

Foetore multimodis-

que malis.

Sophistice forinsecus

Pavonina sunt

Cauda decorati,

Atque domus intrinsecus

Ardealibus anis

Sopitur depravati,

Quorum crebro familia

Nolens ieiunaret,

Si clavis eos saepius

Seris adulterina

non cibaret.

4. Medii Christus loculum

Semper diligebat,

Per illud nos signaculum

Omnes instruebat,

Virtutum vectus circulis

In medio quod staret

vitiorum.

Hospes, in te discretio

Decet motitari,

Ne dicta virtus vitio

[Possif] depravari,

Servetur dandi modulus

Eligendo medium

extremorum.

Largitorum tene stateram,

Prodigalitas

A te propulsetur,

Avari nec ama peram,

Qui nunquam ut hydropicus

Vel barathrum repletur.

Sic nostras res hospitibus

Rite largiamur,

Post mortem nos caelestibus

Ut epulis cum Christo

perfruamur.