OVETENE 355

praecepit Episcopo Oveten., ut « omissa quaestione de nul- litate matrimonii ex revocatione mandati, si haec tractari prudenter et utiliter non possit, ad tramitem Constit. Dei miseratione et Instruct. S. C. anni 1840 processus fìat ad evincendum sponsos numquam simul convenisse: ad quem effectum examinabitur primum actrix : deinde nonnulli, et, si fieri potest, septem ab ea proponendi testes rogabuntur an haec mulier digna fide sit, et an revera a die 3 Martii 1884 numquam Oveto discesserit, aut saltem in Americam pro- fecta sit. Eodem tempore committatur Curiae Habanensi examen Emmannelis Diaz et testium ab eodem inducendo- rum, ut vicissim praestabiliatur, eumdem Emmanuelem a die 3 Martii 1884 ex Habanensi insula non discessisse aut saltem in Europam non venisse. Quod si reus conventus etiam omissa inquisitione de revocatione mandati, iudici se sistere et testes proponere recuset, mandetur iudici subdelegato, ut nonnullos testes inter consanguineos et amicos eiusdem Em- manuelis ex officio accersat et excutiat. Quibus ad exitum perductis acta universa ad S. C. mittantur ».

Omnibus expletis, S. C. attenta oratricis paupertate, cau- sam oeconomice pertractandam esse rescripsit.

Disceptatio Synoptica

VOTUM THEOLOGI. Theologus perspicuitatis gratia, tres sequentes quaestiones solvendas sibi proponit; nempe 1. an eiusmodi matrimonium fuerit validum et 2. si validum, an maneat adhuc dumtaxat ratum, et 3. denique si utrumque, an adsint iustae solutionis causae.

Ad Quaest. 1. gradum faciens. An scilicet matrimonium Emmanuelis Diaz Gorgoll cum Damasa Gonzalez Orb on et Coro initum per procuratorem 3 Martii 1884 validum fuerit, affirmative respondet, vel saltem non constat de eius invaliditate inquit. Idque ut evincat, animadvertit, quod :

Matrimonium per procuratorem valide certe contrahi poterat ante Trid. instar aliorum contractuum ex c. ult. de Procurat, in 6. Atqui communis est sententia hoc ius adhuc