Bergomen. 335

B E R G O M E N .

INTERPRETATIONIS ULTIMAE VOLUNTATIS

Circa pium legatum pro pauperibus u lius paroeciae relictum, quae postea in duas dismembrata fuit.

Species facti. Comes Galeazzo Caleppio testamento diei 26 Martii 1871 pauperibus paroeciae loci Tagiiuno, dioe- ceseos Bergomensis, in perpetuum ligavit annuas libellas 400, distribuendas tamen a parocho locali cum omnimoda Con- gregationis Caritatis, auctoritatis politicae et municipalis exclusione.

Interea a. 1901 paroecia loci Tagiiuno per decretum episcopale dismembrata fuit atque erecta alia paroecia sub nomine S. Mariae de Cividino. Rector novae paroeciae expo- stulavit ut congrua legati pars sibi cederetur administranda et elargienda pauperibus propria.; paroeciae; at obstitit paro- chus ecclesiae matricis, tantummodo se paratum exhibens ad recipiendas preces pauperum novae paroeciae a respectivo parocho commendatas. Hinc parochus loci Cividino ad H. S. C. recursum obtulit.

Rationes parochi loci Cividino. Hic contendit etiam pauperes sibi concreditae paroeciae ius habere ad pium lega- tum, cum et ipsi tempore conditi legati et mortis testatoris efformarent unicam paroeciam loci Tagiiuno; nec ex facto quod nova erecta fuerit paroecia recte inferri potest huius- modi pauperes amisisse praefatum ius. Quinimo hoc adeo clarum et evidens est ut neque a contradictore parocho loci Tagiiuno denegari queat ; qui tantum sese opponit ad trans- lationem partis legati in novam paroeciam, et sibi reservatam vult facultatem distribuendi quotam partem subsidii paupe- ribus paroeciae loci Cividino.

Sed hanc reservationem totis viribus impugnat parochus loci Cividino, sive quia in animo testatoris fuit ut redditus legati pauperibus elargiantur a proprio parocho, sive quia