335. De VII Artibus Liberalibus.

1. Praevia grammatica

sedet in senatu,
Ipsa nutrix artium,

quodam principatu
Praeminens sororibus

atque maior natu,
Fido tamen obsequens

illis famulatu.

2. Artis haec textoriae

gerit instrumenta,
Texere sororibus

solet indumenta,
Nam librorum series,

quos haec est commenta,
Artibus dat vestium

quasi velamenta.

3. Post hanc dialectica

Vultu celsiore,
Gressu statim rapitur

expeditiore,
Vernat eius facies

vivido colore,
Perspicaci radiat

oculus vigore.

4. Quodam privilegio

vultus praesignita,
Nunc sorores instruit

omnium perita
Haecque pro sororibus

pugnat expedita,
Armis sibi commodis

commode munita.

5. Tertio rhetorica

residens sedili,
Sexu licet femina,

robore virili,
Apparatu vestium

radians non vili,
Quas colorum texuit

serie subtili.

6. Fulgurat prae ceteris

cultu laborata,
Variis coloribus

florum purpurata,
Quasi pugnans pectore

tota loricata,
Cuius caput laurea

surgit galeata.

7. Quattuor ex ordine

subeunt sorores,
Honoris frequentiae

non dedigniores,
Prior arithmetica

certo numero res
Claudens ad matheseos

introducit fores.

8. Haec quibusdam clausulis

ludere perita,
Calculando digitos

volvit expedita,
Novitate vestium

fulget inaudita,
Circumvolitantibus

numeris vestita.

9. Ordine subsequitur

ars geometrarum,
Colligit haec legibus

certis mensurarum,
Longos trahens aeris

circulos stellarum,
Maris altitudinem,

spatia terrarum,

10. Multa privilegia

profert sui iuris,
Vestem multiplicibus

pinxerat figuris,
Cuncta certis spatia

colligens mensuris,
Circulis, triangulis

sive quadraturis.

11. Post has vultum musica

profert luculentum,
Cantus quidem praevius

nuntiat adventum,
Nam cantandi multiplex

gerit instrumentum,
Dat, quas plectro temperat,

fidibus concentum.

12. Hilarat concilium

dulci sono lyrae,
Docta chordas habili

pollice ferire,
Cogit altas gravibus

voces convenire,
Quod ex multis una vox

creditur exire.

13. Ultima scientia

sequitur astrorum,
Illa liberalium

maxima sororum,
Caelum docta permeat

atque superorum
Motum notans colligit

causas futurorum.

14. Haec a lini nomine

pallio vestitur,
Tota quoque siderum

signis insignitur,
Suum diademate

caput operitur,
Sic ornatu fulgido

fulgens redimitur.

Nachtrage und Berichtigungen.

S. 162, Zeile 17 v. o. lies Virga statt Virgo.

S. 113, " 4 v. o. " Quocum statt Quae cum.
S. 241, " 4 v. u. " Iuventutem statt Iuventutem.

S. 271, " 10 v. n. " Laudet coetus statt Gaudet.
S. 284, " 9 v. u. " Landeline statt Landoline.
S. 298, Nr. 275 ist durch Irrtum in diesen, statt in Band XLVb
geraten.

ANALECTA HYMNICA

MEDII AEVI.

Herausgegeben
von

Clemens Blume und Guido M. Dreves.