336 S. POENITENTIARIA

biles, seu quae servando servari possint, aut de suppellectilibus et vasis sacris, imponatur poenitentibus obligatio quamprimum recur- rendi ad loci Ordinarium ad hoc, ut super iisdem rebus provideat iuxta indultum ipsi concessum.

VIII . Qui conduxerunt bona ecclesiastica occupata vel alienata a gubernio, imposita poenitentibus obligatione quamprimum recur- rendi ad loci Ordinarium ad hoc , ut super bonis conductis provi- deat iuxta indultum ipsi pariter concessum.

IX. Qui acquisierunt bona ecclesiastica per emphyteusim, dum- modo prius, ut supra in num. V. Ordinario seu aliis viris ecclesiasti- cis ab Ordinario designandis syngrapham tradiderint, qua declarent se suosque heredes et successores subiectum iri sequentibus obliga- tionibus seu conditionibus:

1. Conservandi eadem bona, et in eis rem utilem gerendi. 2. Non utendi quocumque privilegio et lege sive lata sive fe-

renda circa canonis redemptionem. 3. Retinendi ipsa bona ad nutum Ecclesiae eiusque mandatis

subinde parendi circa eorumdem bonorum restitutionem. 4. Adimplendi pia onera iisdem bonis adnexa quae aliunde non

adimplentur. 5. Canonem augendi ad tramites iustitiae, et iuxta aestimatio-

nem peritorum timoratae conscientiae, si nimis tenuis in stipulatione contractus impositus fuerit, et augmentum huiusmodi solvendi in manibus Ordinarii favore causae piae ad quam canon de iure spe- ctat prout sub n. vi.

6. Monendi haeredes et successores de huiusmodi obligationibus per praescriptam syngrapham, ut et ipsi sciant ad quid teneantur.

X. Qui non solum acquisierunt per emphyteusim, sed etiam bona sic acquisita redemerunt, dummodo stent praescriptionibus sub n. V.

X I . Qui redemerunt census et iura ecclesiastica natura sua redi- mibilia, dummodo prius Ordinario tradant quidquid minus de capi- tali summa persolverint, ad effectum illud conservandi prout sub n. VI .

XI I . Qui redemerunt canones, livella, praestationes et alia iura ecclesiastica, minime natura sua redimibilia , dummodo prius , ut praescribitur sub n. V. syngrapham tradiderint, qua declarent se suosque successores subiectum iri sequentibus obligationibus seu conditionibus:

1. Retinendi fundos sic invalide redemptus ad nutum Ecclesiae, eiusque mandatis subinde parendi.