337

LITTERAE SSmi D. N. LEONIS XIII quibus Isidoras Iosephus De Rous- saux nominatur Episcopus Tornacensis.

VENERABILI FRATRI ISIDORO-IOSEPHO BE ROUSSAUX,

EPISCOPO EUMENIENSI IN PARTIBUS INFIDELIUM,

ADMINISTRATORI APOSTOLICO ECCLESIAE TORNACENSIS, ETC.

LEO PP. XIII.

Venerabilis Frater, Salutem et Apostolicam Benedictionem.

Apostolatus officium, meritis licet imparibus, Nobis ex alto commissum, quo Ecclesiarum omnium regimini Divina dispositione praesidemus, utiliter exsequi, adiuvante Domino, cupientes, solli- citi corde reddimur et solertes, ut quum de earumdem Ecclesiarum regiminibus agitur committendis, tales eis in Pastores praeficere studeamus, qui populum suae curae creditum sciant, non solum doctrina verbi, sed etiam exemplo boni operis informare, commis- sasque sibi Ecclesias in statu pacifico et tranquillo velint et va- leant, auctore Domino, salubriter regere et feliciter gubernare. Du- dum siquidem provisionem Ecclesiarum omnium nunc vacantium, et in posterum vacaturarum, ordinationi et dispositioni Nostrae re- servavimus, decernentes ex tunc irritum et inane, si secus super his, a quoquam, quavis auctoritate, scienter vel ignoranter conti- gerit attentari. Iamvero, quum per Apostolicas Nostras tertio Idus Octobris, hoc ipso vertente anno, sub plumbo datas Litteras et manu Nostra signatas (1), iurisdictionem omnem, sive in spiritualibus sive in temporalibus, in Dioecesi Tornacensi Praesuli Edmundo Du- mont absolute et in perpetuum inter dixerimus et revocaverimus, eidemque praesuli titulum Episcopi Ecclesiae Tornacensis per pri- vationem ademerimus et ademptum esse declaraverimus, eumdemque Praesulem a quovis vinculo cum Ecclesia Tornacensi solutum ac relaxa tum esse decreverimus, Tornacensis Ecclèsia Pastoris solatio destituta sit, Nos ad eiusdem Ecclesiae provisionem, in qua nemo praeter Nos se potuit seu potest immiscere, supradictis reserva- tione et decreto obsistentibus, paterno ac sollicito studio intendentes, ad Te, Venerabilis Frater, cui iam eiusdem Ecclesiae Tornacensis administrationem in spiritualibus ac temporalibus demandavimus,

(1) Hae litterae relatae fuerunt pag. 289 har. ephem.

Acta, tom. XIII, fase. OLII. 22