338 EX S. C. INDULGENTIARUM

auctoque privilegiis ii, qui illum emiserunt. Quae quidem sa. me. Pius Papa IX Decreto Sac. Congregationis Indulgentiis Sacrisque Reliquiis praepositae dato die 20 Novembris 1854 confirmavit, auxit et ad universos Christifideles extendit.

Iamvero de huius oblationis obiecto, de eiusdem actus essentia- libus conditionibus et de Indulgentiis ac Privilegiis eidem adnexis identidem dubia oborta sunt. Siquidem dubitatum est, num inter opera satisfactoria comprehendi debeant et Indulgentiae quas Chri- stifidelis, dum vivit, potest lucrari ; et num qui Actum heroicum elicuit ei satisfaciat, quamvis sibi reservet et applicet eas Indul- gentias, quae pro vivis conceduntur. Insuper disceptatio mota est, quod attinet ad piam praxim faciendi oblationem satisfactionum et suffragiorum in Manus B. Virginis Mariae, nonnullis tuentibus necessitatem huius oblationis in Manus Beatae Virginis pro Indul- gentiarum consecutione et privilegiorum usu , aliis refragantibus. Tandem dubia nonnulla invaluerunt de modo, quo Indulgentiae Ple- nariae animabus Purgatorii applicari possint aut debeant ab iis, qui Actum heroicum charitatis emiserunt.

Quare ut ea quae obscura hac in re videbantur, clarescerent, et quae incerta, certa evaderent, Patribus Cardinalibus Sac. Congre- gationis Indulgentiarum Dubia quae sequuntur proposita fuerunt dirimenda :

I. Utrum inter opera satisfactoria quae in Actu heroico chari- tatis offeruntur pro animabus Purgatorii , comprehendantur etiam Indulgentiae quae declaratae fuerunt a Summis Pontificibus appli- cabiles Christifidelibus defunctis?

II. Utrum oblationi isti satisfiat ab iis, qui sibi reservare ve- lint Indulgentias, quae pro vivis conceduntur ; vel sint hae Indul- gentiae ad satisfaciendum pio proposito Defunctis applicandae iuxta Indultum a Summo Pontifice concessum emittentibus Actum heroi- cum charitatis?

III. Utrum 1° Actus heroici charitatis pars integralis, vel prae- scripta ad privilegiorum participationem conditio sit , ut propriae satisfactiones omnes atque Indulgentiae non modo pro Purgatorii animabus offerantur, sed etiam ut Bmae Virgini, prout ipsi placue- rit, distribuendae, relinquantur? vel 2° haec in Virginis Manus veluti consignatio habenda sit dumtaxat pia Actui accessoria devo- tio Christifidelibus commendanda?

IV. Utrum Plenariae Indulgentiae quas Christifideles Actum heroicum charitatis emittentes lucrantur tum ob sacram Commu-