Appendix VIII - Decreta 339

splendore inclaruisset, a Cardinalibus post Lucii secundi obitum cunctis suffragiis Pontifex Maximus creatus est. V ix autem ab inito Pontificatu, perduellium turbis Ecclesiae Romanae principatum ever- tere adnitentibus, semel atque iterum ab Urbe discedere cogitur, sedataque deinde tempestate, iterum ad eam, summo honore, et bonorum gratulatione, regreditur.

Inveni David.

Lectio V.

Viterbii commorans, Angliae Legatos, Scotiae, Germaniae, Hispa- niae et Galliae excepit, Beato Petro in eius persona obedientiam et obsequium profitentes; itemque nonnullos Armeniae Episcopos, qui insuper Metropolitani ac gentis suae nomine de gravioribus orien- talis Ecclesiae negotiis eius exquisiverunt sententiam. Profectus in Galliam, Concilia Rhemis ac Treviris celebravit, in quibus Eonis et Gilberti Porretani proscripsit errores, aliaque plura sapienter con- stituit ad Cleri disciplinam, et Ecclesiae libertatem. Coenobia deinde Claravallense ac Cisterciense una cum sancto Bernardo invisit, praeclaris ubique sanctae conversationis exemplis relictis. Ab eodem Bernardo salutaria monita exquisivit ad Ecclesiam administrandam, et Apostolicae Sedis iura protuenda; ille vero ei pretiosum librum de Consideratione dedit, quo Pontificis Principisque praerogativae et officia caelesti sapientia declarantur. Litterarum quoque cultor eximius, cum theologiae ac iurisprudentiae reformavit studia, tum academicos, uti vocant, gradus instituit ; quo adolescentium animos alacriores redderet.

Posui adiutorium.

Lectio VI.

Singulari pacis fovendae cupiditate curas omnes intendit ut discordias Pisanos inter et Lucenses componere. Decorem Domus Dei summopere dilexit: nam et Basilicam Liberianam pulchriori decoravit ornatu, et alia templa quamplura aut refecit, aut pretiosis donis ditavit : Vaticanae autem Basilicae quartam oblationum partem sibi de more competentem, praeter decimam iam a sancto Leone nono Apostolorum Principi adtributam, elargitus est. Henricum Impera- torem, Catholicorum principum nobile exemplar, Sanctorum in album retulit. Tandem Tibure, quo âestivos calores vitandi causa ab Urbe concesserat, gravi morbo implicitus mortem iustorum oppetiit octavo idus iulii anno millesimo centesimo quinquagesimo tertio postquam in Petri Cathedra sedisset annos octo, et menses quatuor. Corpus Romam delatum, conditum fuit in Vaticano, una cum Sancti Gre- gorii tertii, et Beati Petri Levitae exuviis. Sacrum porro cultum, iam tunc miraculorum accedente fulgore, ei exhibitum, et in aliis quo-