OVETEN. 339

quorumdam amicorum Emmanuelis Diaz Oveti commorantium, quod Emmanuel numquam post dictam diem in Europam redierit. Cum igitur ex inspectione processus rite formati in utraque Curia Ovetensi et Habanensi, constet Emma- nuelem Diaz, et Damasam Gonzalez numquam convenisse a die matrimonii, per procuratorem contracti, sequitur hoc num- quam fuisse consummatum et manere adhuc ratum.

Quod ex immediata processus inspectione eruitur, id con- firmatur sententia Episcopi Ovetensis, sic SSmum alloquentis litteris datis 5 Octobris 1892 « Certum est 1. Emmanuelem Diaz Gorgoll vitam egisse in dioecesi Habanae post mensem Septembris 1883 ubi constanter permansit, nullum iter faciens in Hispaniam... 2. Publicum et notorium est convicinis Da- masae, qui suum statum deplorant et in omnium conscientia repetitum Emmanuelem a mense Septembris 1883 hic am- plius non morasse. 3. Comprobatum est Damasam semper in hac dioecesi stetisse et ab hac civitate nec puncto temporis abfuisse post contractum matrimonium »; unde merito con- cludit, ex actis, quae rite confecta esse recognovi « Ex parte Damasae, ut in hac expositione dictum est, adhibiti fuerunt testes, qui de veritate deposuerunt : pater ipsius sub iuramento declaravit, numquam matrimonium fuisse consum- matum, et omnes, ut compertum habent sive con vicini, sive non, tale matrimonium fuisse tantum ratum ». Idem repetit SSmo Patri Leoni uteris datis 28 Aprilis 1893.

Quin obiicere iuvaret, quod Emmanueli asserenti se in Europam non remeasse post diem 3 Martii an. 1884 non est fides adhibenda cum non credatur ei, utpote dubiae fidei in assertione de renovatione mandati.

Huic siquidem offensioni respondet animadvertens quod S. C. C. ex relatione Episcopi Ovetensis suspicans Emma- nuelem velle renuere se sistere iudici et testes proponere, mandat ut ipsa curia Habanensis nonnullos inter consan- guineos et amicos eiusdem Emmanuelis ex officio accerseret, et servatis de iure servandis excuteret. Ergo etiam sine Em- manuelis assertione poterit constare factum, quo de agitur