284. De sancta Lucia.
Ad Nocturnum.

1. Magnus Deus, invocantis
Voto complacabilis,
Gloriosus et in sanctis

Suis admirabilis,
Qui Luciae signis tantis
Factus est laudabilis.

2. Ad tribunal evocavit
Judex illam concitus,

Sed hunc virgo superavit
Christo docta coelitus,

Cum pudicam se probavit
Templum sancti spiritus.

3. Rubet ille puellari

Devictus eloquio
Virginemque lupanari

Lenonum officio
Tractam jubet copulari

Infami consortio.

4. Tanto tamen rex coelorum
Fecit illam pondere,

Quod nec junctis jumentorum
Jugis illam trahere

Valent funes peccatorum,
Manus nec impellere.

5. Judex stupet et terretur
Menteque consternitur,

Mandat, martyr ut cremetur,
Ignis mox accenditur,

Utque cito consummetur,
Oleo perfunditur.

6. Rogus virgini nil nocet,

Sed inusta penitus
Inter flammas turbas docet

Servata divinitus,
Ut, quae Christum Deum vocet,

Exsultet medullitus.

7. Gloria cordis et oris.