340 OVETEN.

an ipse a die 3 Maii 1884 Europam repetierit. - 2. Hoc porro factum cum sit omnino visibile, plures exigens dies ut eveniret, haud latere poterat praesertim parentes, amicos et notos. Iamvero tam Oveti omnes quam Habanae negant unanimes in Europam illum esse regressum. - 3. Neque potest per se haberi ut semper mendax, qui alia vice fuit mendax, cum non omnes rationes concurrant pro utraque vice. De revocatione mandati supponitur mentiri : et ratio mendacii redditur ab Episcopo Ovetensi. In cognitionem Emmanuelis Diaz venit instructio processus et ad declara- tiones vitandas fugit, quia cum fundamento in re extimescit processus sententiam et ut in vincula coniiciatur. Ad tantum malum vitandum mirari quis non debet Emmanuelem semel negasse se mandatum procurae dedisse, aut affirmasse eius revocationem. Quod malum aut simile sibi timendum non est si asserit iuratus in Curia episcopali se nunquam Ovetum aut in Europam fuisse regressum.

Ab inconsummatione matrimonii, ad causarum existen- tiam discutiendam de veniens, ob quas Rom. Pontifex dispen- sationem a matrimonio rato et non consummato indulgere solet, Theologus contendit, plerasque et gravissimas adesse: nempe 1. Emmanuelis animum erga Damasam adversum, ob quem ipse Emmanuel cum Damasa nunquam cohabitare pateretur idque eius literae a Paroecia S. Spiritus sub die 21 Dec. 1885 datae luculentissime ostendunt. 2. Dubium de validitate matrimonii ab Emmanuele cum Damasa per pro- curatorem initi, et huiusmodi dubium submovit non tantum ipse Emmanuel qui cum iuramento apud iudicem ecclesia- sticum deposuit se mandatum procurae revocasse, sed etiam septimae manus testes ab Ovetensi Episcopo inducti affir- mantes quod Emmanuel Diaz cum Oveti degeret, bona esset vita et verax : dignum fide eundem pariter asserunt testes ab Habanensi Curia examinati.

Unde ni penitus scelestus, sacrilegus et periurus habeatur, quod ex actis nondum ut talis apparet, aliquod dubium de validitate matrimonii manebit semper. 3. Moralem impos-