337. De sanctis Apostolis.

1. Assit nobis semper
coetus apostolicus,

2 a. Qui mentes sursum nostras
erigat ad caelestia,

2 b. Amotis inde cunctis
vitiis deprimentibus.

3 a. O cives caeli,
orbis luminaria,

3 b. Illuminate

corda nostra, quaesumus.

4 a. Christi praecones
senatoresque
caelestis patriae,

4 b. Defendite Christi
sanctam, quam
fundastis, ecclesiam.

5 a. Qui revocastis Domino
orbis regna rehellantia,

5 b. Per vos convertantur, qui a
Christo secesserunt populi.

6 a. Solvite

hodie a peccati vinculo
vestra colentes sollemnia,

6 b. Caelique

portas reserate cunctis, qui a
vobis petunt beneficia.

7 a. Apostoli Dei,
de vobis
prophetae sancti
vaticinati sunt
inclita ;

7 b. In omnem terram vester
devenit

sonus, et verba
resonant in mundi
finibus.

8 a. Non vos principes
mundi terrere possunt
minis, tormentis
atrocibus ;

8 b. Immo gaudentes

pro Christo pati digni
pergitis coram
iudicibus.

9 a. Pro Iesu

vera fide vitam
dedistis propriam,

9 b. Et viam

per artam ipsum sequi
gloriamini.

10 a. Sic verae viti
coniuncti
palmites fructum
dedistis plurimum.

10 b. Totius mundi
ad Christi
cultum vos adu-
nastis idolatras.

11 a. Ergo nos

supplicantes semper prote-
gatis,
spiritus sancti vascula.

11b. Amici

Dei, nos sibi amicos vestris
precibus constituite.

12 a. Praecepta

vestra, caritatem, fidem
ut sequi possimus,
a Christo pro nobis
impetrate gratiam.

12 b. Indices

sacculi, in fine mundi
inter oves nobis
locum praestetis, ne
damnemur cum impiis,

13. Sed vobiscum

regnemus in caelis.