338. De sanctis Evangelistis.

la. Quadriformis animalis,

Per quod datur lex regalis,
Prosa laudes personet.

1b. Iohannes, vir virginalis
Et avis imperialis,
Verbi partum intonet.

2 a. Sinu recubat Messiae
Custos virginis Mariae,
Forma contemplantium.

2 b. A Christo vocatur pie
Post arcana prophetiae,
Post ferens incendium.

3 a. Humano vultu Matthaeus,
Ex quibus fit homo-Deus,
Descendendo texuit.

3b. Lucri hic telonareus

Liquit statura, unde reus,
Cum Christus admonuit.

4 a. Lucas bovinis loquelis
Virginis et Gabrielis
Spargit sacra famina;

4 b. Christum reducit in caelis
Et levitae mactat telis
Pauli scribens carmina.

5 a. Leo Marcus

rugit nobiliter,
Christus surgit,
[vivit] agiliter,
Infernum reserans.

5 b. Currus vester,

qui quadriformiter
Rotat, ferat

nos sursum leviter
A mundo liberans.