342 OVETEN.

titioni solutionis matrimonii ab Episcopo Ovetensi pluries instantissime factae satisfiat theologus concludit, consulendum esse SSmo ut matrimonium ratum adhuc tantum inter Em- manuelem Diaz Gorgoll et Damasam Gonzalez Orbon et Coro per procuratorem initum, dispensationis ope solvatur.

VOTUM CANONISTAE. Canonista praemittit, quod cum S. Congregatio hoc unum scire desideraret, an Emmanuel unquam venerit in Europam, ut inde argumentum educatur moraliter certum de consummatione vel non consummatione coniugii, supervacaneum videretur hodie inquirere, an valide vel invalide initum fuerit, cum satis sit supplicari SSmo pro dispensatione a matrimonio, si argumenta non desunt, quibus ratum mansisse probetur. Verum non ita coarctata mihi quaestio proponitur, quae ut rite procedat, duo discu- tienda sunt : aj validene fuit matrimonium initum ab Em- manuele et Damasa? b) et si valide, fuit ne consummatum?

Matrimonium inter Emmanuelem et Damasam fuit validum.

Quod ut probet, recolenda esse autumat verba Cap. ult. de Proc. in VI quae sic sonant : Procurator non aliter cen- setur idoneus ad matrimonium contrahendum, quam si ad hoc mandatum habuerit speciale . . . Si procurator antequam contraxerit, a domino fuerit revocatus, contractum post- modum matrimonium ab eodem, (licet tam, ipse quam ea cum qua contraxerit, revocationem huiusmodi penitus igno- rarent) nullius momenti existit, cum illius consensus defe- cerit, sine quo firmitatem habere nequivit. Hisce in iure praeiactis, perpendit inter negotia quae exigunt speciale mandatum, quaeque plurima sunt, supremum obtinere locum contractum matrimonialem, quippe qui inter potiora negotia recensetur, cum perpetuam obligationem inducat, quae res est magni momenti. Hinc haud sufficiens esse generale manda- tum etiam ad universitatem causarum, sed speciale requiri, determinatum scilicet ad contrahendum. Et quidem non cum quacumque persona, sed determinata et specificata ab ipso