342 VARSAVIEN.

quennium, processum instituit. Coniuges excussit, nec non utriusque septimae manus testes, qui unanimiter circa ho- nestatem religionemque viri ac mulieris testati sunt. - Peracta subinde est corporalis mulieris inspectio per tres obstetrices, matrona adstante et exquisitum fuit duorum me- dicorum votum : omnesque absque oscitantia de integritate corporis inconsummationeque matrimonii sententiam tule- runt. Etiam vir physico experimento fuit submissus et tres periti medici censuerunt ipsum debito coniugali parem pror- sus esse.

Disceptatio Synoptica

VOTUM CANONISTAE . Processus, nitide et eleganter t ran- scriptas, ad iuris tramitem quoad omnia confectus est. Ideo immerito heic evocaretur antiqua suspicio, qua olim Polo- ni onerabantur propter fraudes et abusus, de quibus alte conqueritur Bened. XIV in constit. Nimiam licentiam. Porro ex actis processualibus manifeste deducitur I o matrimonium non fuisse consummatum ; 2° extare causas ad dispensan- dum sufficientes : nec, praeter duo ista, aliud in themate de- sideratur.

Primum quaestionis caput evincitur, prout iura et pra- xis ferunt, iurata depositione partium, iurato septimae ma- nus testimonio et inspectione corporum : quia vero physica argumenta, etsi adminiculi dumtaxat rationem habeant, as- sensum prae moralibus cogere solent, a corporali specimine ordimur. Hoc argumentum nititur potissimum hymenis in- tegritate. « Matrimonium, ait Gasparri, habendum est ut ratum tantum si hymen, qui vaginam claudit, est intactus.. . Proinde iure merito iurisprudentia S. C. C. retinet matri- monium, hymene integro, non esse consummatum..» (Tract, can. De matr. 11, 1065): roboratur autem aliis virginita- tis notis, quae in puellae incontaminatae singulis fere mem- bris inveniuntur. (Gaspar. Tract, prat. med. leg. cap. 11, § 1; Devergie Medie, leg. c. III, q. 9).

Atqui Casimirae inspectio haec omnia prodidit.