287. In Translatione s. Ludovici Episcopi.
Ad Laudes.

1. Opera clementiae
Jam vir innocentiae

Virtuose egit,
Praesul sapientiae,
Vas incontinentiae

Curiose fregit.

2. Vas quod fuit gratiae,
Virtutis, modestiae,

Fructuose degit
In urbe Marsiliae,
Quod vas elegantiae

Pretiose tegit.

3. Hic invictus Hercules,
Quem reges et praesules

Venerantur proni,
Duces, plebes, consules,
Quo juncti et exsules

Condonantur laeti.

4. Tristes, moesti, flebiles,
Aegri, sicci, debiles

Restaurantur sani,
Defuncti examines
Ac e vita labiles

Vitae dantur multi.

5. Rector rectus et pius,
Simplex, castus, praescius,

Fruturorum fator,
Doctor verbo gladius,
Correptor propitius

Atque morum sator.

6. Pro miseris anxius
Et deliris praevius,

Indigorum pastor
Fuit et felicius
Beatorum socius,

Meritorum lator.