QUAESTIO XX.

Utrum omivs contrarietas faciat differentiam in specie ?

S. Thomas lect. 11. Albert. Magn. traclS2. cap. 11 . Flandria quaest. 12. art. 1. Fopseca in Exposit. cap. 12. in principio. Suar. disp. 6. sect. 9.

Videtur quod non : quae ex eodem semine producuntur, specie non differunt, sed contraria ex eodem semine possunt produci, ut masculus et foemina; ergo non omnis contrarietas facit differentiam in specie. Probatio majoris : Omne agens naturale agit aliquid determinatum, intendit enim producere simile: sed in semine est quaedam virtus activa naturalis ad producendum unum, et non ad producendum diversa specie.Minor patet, quia si in semine fuerit calor sufficiens, producitur masculus, sed si deficiens, foemina.

Item, ista non faciunt differem tiam in specie , quae simul reperiuntur in eadem, et successive in eodem individuo, sed nigrum et album simul reperiuntur in eadem specie pro diversis, et successive in eodem individuo ;igitur, etc.

Item dicit Philosophus in littera, quod differentiae materiales, sicut individua, non faciunt differre specie, differentiae tamen formales et speciei faciunt differre specie ; igitur, etc.

Oppositum : Omnis diversitas diversificans genus, per se facit differre specie, sed omnis contrarietas diversificat aliquod genus: igitur, etc.