OVETEN. 343

mandante. Et iure quidem, nam non est indifferens con- tractum matrimonialem inire cum Caia vel cum Sempronia. Quod consonum est maximopere dispositioni iuris civilis. Generali mandato quaerendi mariti filiae familias non fieri nuptias rationis est, itaque personam eius patri demonstrari qui matrimonio consensit, ut nuptiae contrahantur necesse est. Apud de Angelis lib. 1, tit. XXXVIII. Haec necessaria esse inquit ut sarta servetur matrimonii libertas, quod pro- ducit indissolubile vinculum, a quo resilire non licet, attento divino iure, quod Deus coniunxit homo non separet.

Cum autem procurator personam mandantis assumat quam repraesentat, et obligationem eius nomine contrahat, necesse omnino esse, mandatum ad delegationem conceden- dam nullimode praepediri, ita ut quod per alium facit, per seipsum facere vere proprieque dicatur : qui vero procura- toris munere fungitur onus voluntarie acceptet ; nemo enim invitus, procurationem cogitur acceptare. Iam si ad facti speciem attendatur, omnia requisita a iure non desunt. Spe- ciale mandatum occurrit, sive ad contrahendum, cum deter- minata persona, Damasa scilicet, ceu constat ab apographo a tabulario publico exarato.

Diaz autem capacitate legali tunc temporis non priva- batur, quasi non posset alterum delegare, neque libertate essentialiter requisita. Advertenter haec addere ait, quia in Ep. 21 Dec. 1886, conqueritur Emmanuel mandatum con- trahendi fuisse sibi extortum, nec posse hodie ratum habere, cum parentum consensus defuerit. Verba sunt haec praeter- eaque nihil. Primo quia tabellio actum publicum exaravit, verbis exprimentibus verum et proprie dictum consensum. De illegalitate mandati non loquitur, imo e contra. Cum autem Emmanuel subsumit defuisse consensum parentum, mentitur aperte. Etenim Habanae actus publicus fuit exa- ratus, quo pater eiusdem huic matrimonio ab eodem ineundo maxima animi sui voluptate adsentitur, et nullum motivum oppositum se habere affirmat. Subiungit denique mandatum fuisse sibi extortum, et haec assertio gratuita est, quae ea-