340. De uno Martyre.

la. Laudem dicat chorus iste
Tibi, pater, tibi, Christe,
Tibi, sancte spiritus.

1b. In bac die nostris festis
Assis, et hic tuus testis,
Inter sanctos inclitus.

2 a. Hic aetate iam crescente
Sanctus verbis, sanctus mente,
Sanctus in operibus

2 b. Praedicavit cum virtute
Nullum timens semper tute
Fidem infidelibus.

3 a. Fustes sprevit vir insignis,
Famem, sitim, aestum ignis,
Ferrum et supplicia.

3 b. In quem tortor quo plus saevit,
Plus tormenta cuncta sprevit
Martyris constantia.

4 a. Hunc pro vera Christi fide
Morti tradunt homicidae;
Sic transit ad gaudia.

4 b. Cunctis spretis poenis mortis
Caelum intrat miles fortis
Cum summa victoria.

5 a. Miles Christi gloriose,
Concordantes isti prosae
Christo reconcilia,

5 b. Ut post cursum huius vitae
Nos coronet Christus, qui te
Sua replet gloria.