344 Matrimonii

Theologus, istos magnopere comprobare mulieris metum, quia,

inito matrimonio, nunquam sponte, sed per vim nuptialem

thalamum ingressa est, ibique violenter retenta fuerit. Unde

cum omnes isti actus per testes comprobati, tum animum con-

trarium mulieris, tum timorem per patrem ipsius incussum

demostrarent, concludendum videtur matrimonium in casu cum

metu contractum fuisse. Neque obiici posse matrimonium ex

metu nullum revalidátum fuisse per cohabitationem et condor-

mitionem per aliquod temporis spatium; nam S. C. Concilii

declaravit necesse esse, post Tridentinum Concilium, matri-

monium de integro contrahi coram parocho et testibus. Id

rescriptum fuit in Compostellana 2 et 16 decembris 1634; ut

in lib. 13 decr. pag. 130 et 140 et 13 septembris 162c « Sacra

« Congr. censuit matrimonium contractum a filia per metum

« a matre illatum esse invalidum, etiamsi mulier metum passa,

« per plures annos post mortem matris permanserit cum marito

« et filios procreaverit » . 1 Et S. Rota dec. 403, n. 13, part. 18\

1 Vide Appendicem I, in Vol. Il, pag. 52 et seqq. in qua distinguitur impedimentum occultum a publico pro revalidando matrimonio. Quod si nullitas a metu proveniens sit occulta, et matrimonium celebratum fuerit iuxta solemnitates a Tridentino praescriptas, potest deinde, purgato metu, iteratoque coniugum consensu convalescere; nec oportet illud denuo con- trahi cum eisdem solemnitatibus, ceu definitum fuisse a S. C. Concilii testa- tur Fagnanus in cap. Is qui fidem n. 14 de Sponsal. Et Sánchez ad rem lib. 2, disp. 37 : « Tandem dicendum est matrimoniuni illud, quod propter impedimentum occultum nullum fuit, posse revalidan copula affectu mari- tali inter coniuges habita, sicut revalidatur novo consensu occulto. Probatur quia Tridentinum Sess. 24, cap. 1, minime comprehendit hunc casum; et ita tamquam casus omissus relinquitur dispositioni iuris communis ; ergo cum secundum ius commune tale matrimonium convalesceret copula mari- tali per cap. si is qui fidem de sponsal. hinc idem erit, attento Tridentini decreto ». Et Gonzalez comment ad tit. de sponsalib. et matrim, in cap. 21 n, 5 eamdem faciens distinctionem, explicat qua de causa in matrimonio nullo propter occultum impedimentum, non est opus, ad idem 'revalidan, dum, Concilii Tridentini solemnitate. « Quum ratio propter quam decrevit Concilium, matrimonium non valere nisi contractum coram parocho et testibus sit, ut vitentur gravia peccata ex clandestinis nuptiis provenien- tia; quae ratio cessat in praesenti casu, nam prius matrimonium nulliter contractum, in foro Ecclesiae validum reputatur; inde est ut non deside- retur iterum eadem solemnitas, cum ratificatur matrimonium ex defectu consensus, vel simili impedimento nullum ».