344 INSTRUCTIO

Feria IV, die 26 Augusti 1885.

In Congregatione generali habita coram Emis et Rmis Dominis Cardinalibus adversus haereticam pravitatem Inquisì toribus gene- ralibus , propositis suprascriptis Dubiis iidem Emi Dñi respondere decreverunt : Ad primum Negative; ad secundum et tertium pro- visum in primo; ad quartum Negative, praeterquam in periculo mortis.

Die 19 Ianuarii 1886. Concordat cum originali.

Ita est. Pro D. P E L A M I S. R. et U. I. Notario

G U S T A V U S P E R S I A N I Substitutus.

INSTRUCTIO ad Patriarchas, Archiepiscopos, Episcopos Rituum orienta- lium in causis Matrimonialibus adhibenda, probata in Congregatione generali Eminentissimorum ac Reverendissimorum PP. in rebus fidei Inquisiturum Generalium, Feria IV die 20 Iunii 1883.

Quemadmodum matrimonii foedus tamquam officium naturae proli educandae, aliisque maximi momenti bonis consequendis per- petuam et individuam vitae consuetudinem inter coniuges exigit, et eo sanctius tamquam Ecclesiae Sacramentum indissolubile sit oportet, aiente Domino : quod Deus coniunxit, homo non separet; ita non minus quando cum aliquo ex impedimentis, quae dirimentia nuncupantur,- initum atque idcirco verum matrimonium non fuerit, a legitima Ecclesiae potestate, ad quam causae matrimoniales unice

MONITUM. - Operae pretium ducimus lectoribus nostris praesentem instructionem tradere, quam Suprema S. Inquisitionis Congregatio pro tabulis processualibus cau- sarum matrimonialium conficiendis typis impressam edidit : ea siquidem sive ss. Ca- nonum et Concilii Tridentini dispositionibus et decretis, sive Litteris "Encyclicis Summorum Pontificum, sive percelebri Constitutioni fel. rec. Benedicti XIV, quae incipit Dei miseratione, atque non minus famigeratae Instructioni S. C. Concilii die 22 Augusti 1840 editae aliisque Instructionibus ad rem datis consona est. Et licet pro Rituum Orientalium Ordinariis condita sit ; eam tamen omnibus aliarum regio- num Ordinariis atque Iudicibus ecclesiasticis, qui causas matrimoniales pertractare debent, perutilem fore non dubitamus. Quandoquidem praecepta quae in ipsa prae- scripta reperiuntur, et regulae quae indigitantur, utpote ad tramitem iuris concin- natac, ecclesiasticis cuiusvis regionibus tribunalibus accommodatae sunt, et ad proces- sus rite conficiendos quammaxime conferunt.