344 LUCANA

ex iis quae guardianus indigitabat, solent expleri, parochus aliique fratres S. Antonii ad parvum B. Mariae templum ac- cesserunt ut illas peragerent. Id tamen vetuerunt confratres; ac inde graviores efferbuerunt contentiones, in quibus et po- litica auctoritas a fratribus, ut sodales narrant, invocata se haud absque fidelium scandalo immiscuit. Tunc res a guar- diano et a parocho S. Antonii coram archiepiscopali curia deducta fuit, in qua postquam partes sua iura et allegationes edidissent, Vicarius generalis pluribus attentis die 20 Ianua- rii 1889 decernebat: reverendum Superiorem Min. Reforma- torum de Viareggio, et Parochum s. Antonii de Padua in Viareggio esse in quasi possessione exercendi sacras functio- nes in Ecclesia SS. Annuntiationis in Viareggio die festo SS. Petri et Pauli, SS. Annuntiationis, ultimis tribus die- bus bachanalium, et peragendi absolutiones die secunda No- vembris cuiuslibet anni, sicut fecerunt usque adhuc, ideoque declaramus Revmos Patres redintegrandos esse in quasi pos- sessionem explendi dictas sacras functiones dictis diebus, et Sodalitium teneri ad non exturbandam hanc quasi possessio- nem. A qua sententia deinde officiales Confraternitatis ad S. C. C. supremum iudicium provocaverunt.

Disceptatio Synoptica.

DEFENSIO SODALITII. Hic sodales impugnare coeperunt su- perius allatum documentum ex libro S. Visitationis anni 1726 depromptum, cui praesertim sententia niti videbatur, ac illud adulterinum proclamantes integrum librum esse Romam de- ferendum petebant. Archiepiscopus qui iampridem suae curiae tuebatur decretum, iterum rogatus haec ulteriori epistola ad- debat: « Litteris ab E. T. Rma die 28 p. e. Octobris datis, novam illis adnexam petitionem pro parte Sodalitii B. M. V. ab Angelo salutatae oblatam legi ac notam feci officialibus huius Curiae, qui una mecum, dolentes mirantur quomodo orator iniuria, qua nulla gravior, eamdem curiam apud S. C. impetere ausus sit ; idque eo magis quod ipse ignorare non