344 OVETEN.

dem facilitate reiicitur, qua profertur. Dictum enim testis sine redditione causae non probat. I. solam cod. de test.

Matrimonium rite celebratum esse ex libro parochiali resultat, in quo legitur initum 3 Martii 1884 mediante pro- curatore, quia contrahens absens reperiebatur.

Hisce addit Oveti rem esse notissimam. Omnes ad te- stificandum de eo inducti absentiam Emmanuelis, cum ce- lebraretur, uno ore confitentur, proindeque mediante procu- ratore, et tanta securitate loquuntur, ut de re evidenti eve- nire solet. Unde ut res iudicata habenda est.

Verumtamen, subdit, in capite citato Decret, in VI edi- citur, revocationem mandati nullum reddere actum procu- ratoris, etiamsi revocatio facta, ignorata fuerit a procuratore et a comparte, cuius redditur ratio, cum illius consensus defuerit, sine quo firmitatem habere nequivit. Inquirens au- tem modum, quo facienda sit revocatio, ut matrimonium invalide contractum esse dicatur, putat non esse necessa- rium, ut revocatio fiat eodem modo eademque ratione, qua mandatum concreditum est. Caput siquidem quod de procu- ratoribus est, mandati naturam indolemque mandati expen- dit, insuper loquitur de eius valore, de perseverantia, revo- catione, altum vero servat silentium de modo quo revocatio mandati fieri debet. Sat erit itaque revocatum fuisse, et hoc probari posse in foro externo. Hinc libenter adhaeret sequenti animadversioni Coninkii, quam verissimam putat. In foro conscientiae sufficit sola revocatio mentalis, quia haec omnino tollit consensum. Pro foro tamen externo ne- cessarium est, ut revocatio probetur facta ante contractum initum. Sufficit tamen implicita revocatio (ut si mandans cum alia contrahat sponsalia) idque etiam in foro externo modo probari possit. Disp. 24, dub. IX, n. 69. Conveniunt Salmanticenses, scilicet sufficere ad talem revocationem, quod tantum mentaliter fiat pro foro conscientiae, quamvis in foro externo non iudicetur revocatum, nisi de revocatione constet. Sufficit etiam si fiat revocatio epistola, verbo, aut etiam ipso facto, quia non tantum verbis, sed etiam lactis