344 VARSAVIEN.

Demum, ne huic argumentó aliquid deesset, etiam viri corpus, ad normam praecitatae instructionis an. 1840, per tres medicos exploratum fuit. Qui Iosephi virilia sana, haud exigua - perimetrum penis iuxta doct. Bucelski est 10 c tm. - et coeundo apta invenerunt. Id autem efficit ut, compara- tis inter se organis viri et mulieris, absurdum prorsus vi- deatur quod aliunde accedit aliquando matrimonium in casu consummari potuisse absque hymenis dilaceratione.

Porro mulieris integritas physice demonstrata iam per se sufficeret ad elidendam consummationis praesumptionem, utut violentam, ortam ex coniugum condormitione ; simul- que, in contrarium, certitudinem inducendam.

Sed, cum agatur de re maximi momenti quippe scriptum est : « Quod Deus coniunxit homo non separet », sapienter iura praeterea requirunt iuratam partium confessionem, iu- ratumque septimae manus testimonium. C. Laudabilem verb. requisivisti, et C. Literae vestrae. De frig. et male f.; et utrumque luculenter exhibent tabulae processuales.

Ioseph actor, iurat : « Nunquam cum ea (uxore) concum- bere potui »; et rursum: « normalis commixtio et copula- tio nostrorum genitalium nunquam locum habuit ». Id au- tem tribuit mulieris a se aversioni, quae sponte nunquam cognosci passa est; eiusdemque morbo, quem neurosim ap- pellant, quo fiebat ut cum, minis coacta, debito reddendo parata videretur, viro accedente, pallesceret, oculos distor- queret, contremisceret, frigido sudore manaret, convulsio- nibus agitaretur, ac pene in amentiam incideret, adeo ut copula perfici non posset. Sunt autem Iosephi responsiones simplices, praecisae, inter se cohaerentes; nihilque incerti aut fucati habent quod simulationem redoleat. Unam tan- tum deprehendi discordantiam in eius assertis: nempe in examine de non consummato ait, ante nuptias quosdam di- ctitasse Oasimiram « indulgentia fuisse corruptam »: post aliquot menses, in examine circa dispensationis causas, di- xit : < Nihil unquam audivi quod bonam famam uxoris meae laedere videretur ». At res facile explicatur aut per obli-