Appendix IX 345

Postmodum Clemens VIII certior factus, quod tam Chinae et Iaponum, quam illis vicinae et adiacentes insulae, regiones et pro- vinciae ac finitima regna Indiae orientalis amplissima et populis refertissima erant, et pro tanta animarum multitudine ad fidem catholicam traducenda et spiritualibus alimentis fovenda plures ope- rarii ac ministri necessarii erant, quam ex sola Societate Iesu haberi poterant, indulsit omnibus et singulis Mendicantium Ordinum magi- stris, ut cum necessitas postulasset, quoslibet Ordinis sui spectatae vitae religiosos idoneos ad ea loca transmittere possent, limitatio- nem adiungens, ut transmittere possent dictos idoneos Religiosos, per Lusitaniam dumtaxat, et suscepta inde navigatione, in Indias et Civitatem Goam ad Superiores Ordinum in illis partibus existentes, ac sub censuris aliisque poenis prohibuit, ne ex insulis Philippinis transire auderent in Iaponicas et alias finitimas insulas et regiones dictas.

Inde Paulus V cum accepisset, quod prohibitio accedendi ad Indias et civitatem Goam per aliam viam quam per Lusitaniam non eos fructus protulisset, qui sperabantur, neque catholicae fidei pro- pagationis negotio utilis esset, concessit ut etiam per alias vias quam per Lusitaniam Religiosi accedere possent ad insulas Iaponicas alias- que dictas regiones.

Successit Urbanus VIII qui Constitutione, Ex debito, die 22 fe- bruarii 1633 hanc historiam recolens, dispositionem Pauli V confir- mavit, et adiecit poenam excommunicationis iis qui accessum ad ea loca per quamvis aliam viam impedirent, atque vehementer est hor- tatus, ut in morali doctrina docenda Religiosi conformes essent, adhibentes catechismum romanum et magnam et parvam Doctri- nam Card. Bellarmini.

Post eiusmodi rerum historiam ad rem nostram quod spectat sic Urbanus VIII prosequitur in § VIII de mercatura quam sub poena excommunicationis aliisque gravibus poenis illis omnibus Religiosis Missionariis prohibuit.

« § 8. Ceterum quia a sacris canonibus, conciliorum Decretis, ac apostolicis Constitutionibus, omnibus Religiosis ac etiam aliis Eccle- siasticis, praesertim in sacris ordinibus constitutis, mercatura et negotiationes saeculares districte prohibentur, ac valde damnosum, indecorum et indecens existit huiusmodi personas divino cultui man- cipatas, ac praecipue illas, quae ad praedicandum sacrosanctum Christi Domini evangelium destinatae sunt, praefatis mercaturis et negotiationibus se immiscere aut operam dare, praedictorum sacro- rum canonum ac decretorum, Constitutionumque apostolicarum di- spositioni inhaerentes, Auctoritate apostolica, earumdem tenore praesentium, Religiosis cuiuscumque Ordinis et Instituti tam non Mendicantium quam Mendacantium, etiam Societatis Iesu, eorumque singulis, tam in praedictis locis nunc existentibus, quam in futurum