LITTERA ENCYCLICA 348

LEO PP. XIII .

lica promereri nostratès studeant. Voluntas maiorum pia et bene- fica egregie eiusmodi necessitatibus providerat ; atque illud Eccle- sia assequi prudentia et parsimonia potuerat, ut tutelam et con- servationem rerum sacrarum nequaquam haberet necesse caritati fi- liorum suorum commendare. Sed patrimonium eius legitimum aeque ac sacrosanctum , cui superiorum aetatum iniuria pepercerat, no- strorum temporum procella dissipavit : quare caussa renascitur, cur qui diligunt catholicum nomen, animum inducant maiorum libera- litatem renovare. Proiecto Gallorum, Belgarum, aliorumque in caussa haud multum dissimili illustria sunt munificentiae documenta, non modo aequalium, sed etiam posterorum admiratione dignissima. Ne- que dubitamus, quin italica gens communium rerum consideratione permota , id pro viribus actura sit , ut et se patribus suis dignam impertiat, et ex fraternis exemplis capiat quod imitetur.

In his rebus , quas diximus: profecto haud minimam habemus spem solatii incolumitatisque repositam. - Verum cum in omnibus consiliis, tum maxime in iis, quae salutis publicae caussa suscipiun- tur, omnino ad humana praesidia accedere necesse est opem omni- potentis Dei, cuius in potestate sunt non minus singulorum homi- num voluntates , quam cursus et fortuna imperiorum. Quapropter in vocandus summis precibus Deus, orandusque, ut tot eius beneficii ornatam atque auctam respiciat Italiam ; in eaque fidem catholicam, quod est maximum bonum cunctis periculorum suspicionibus depulsis, perpetuo tueatur. Hanc ipsam ob caussam imploranda suppliciter est Immaculata Virgo Maria, magna Dei parens, fautrix et adiu- trix consiliorum optimorum , una cum sanctissimo Sponso eius Io- sepho , custode et patrono gentium christianarum. Ac pari studio obsecrare opus est Petrum et Paullum , magnos Apostolos , ut in italicis gentibus fructum laborum suorum incolumem custodiant, nomenque catholicum, quod maioribus nostris suo ipsi sanguine pe- pererunt , apud seros posteros sanctum inviolatumque conservent.

Horum omnium caelesti patrocinio fret i , auspicem divinorum, et praecipuae benevolentiae Nostrae testem, Apostolicam benedictio- nem Vobis universis, Venerabiles Fratres, et populis fidei Vestrae commissis peramanter in Domino impertimus.

Datum Romae apud s. Petrum die xv Februarii an. MDCCCLXXXII, Pontificatus Nostri anno quarto.