LUGANA 345

potest votum, cuius authenticum exemplar heic adnecto exa- ratum a viro perito, qui missus a Sodalitio inspexit in hac Curia libros in quibus acta Visitationis Archiepiscopi Guinigi descripta sunt. Ceterum paratus iussa facere istius S. C. hoc unum petere audeo ut, si dicti libri ad S. C. sint transmit- tendi, expensae ab oratore solvantur. Quae quidem expensae haud leves erunt, quia necessaria securitas postulat ut spe- cialiter deputetur aliqua persona, quae Romam petens eosdem libros secum deferat et post examen huic Archivio restituat. >

Sodales confraternitatis B. M. Virginis ab Angelo saluta- tae etsi ab oblata petitione ad examen revocandi penes S. C. C. libros Visitationis Archiepiscopi Guinigi desistere videantur, attamen deprompti documenti authenticitatem mordicus de- negant, exhibendo ad hoc iudicium cuiusdam publici notarii, nec non aliorum qui una simul cum cappellano sodalitatis li- brum inspexerunt. His addunt declarationem cuiusdam reli- giosi viri Congregationis a Matre Dei.

Quoad vero periti relationem, de qua in suis litteris Ar- chiepiscopus loquebatur, illam infirmare autumant asseren- tes illum scribam esse in cognitione paleographiae minime versatum, ac praeterea alias coram testibus documentum illud adulterinum proclamasse. Ceterum et verba documenti falsita- tem edicunt innuere, qui ad tabulas publici notarii provocant, quae contra receptam praxim haud designantur, et iura affir- mant quae a concessione facta anno 1667 a Reipublicae mo- deratoribus excludi videtur. At dato parumper documentum de quo agitur omnes authenticitatis characteres praeseferre, haud tamen inde esset inferendum, ut Vicarius generalis de- crevit, fratres minores S. Antonii esse in quasi possessione peragendi plures sacras functiones in templo SS. Annuntia- tionis. Etenim ibi sermo tantum fit de festo S. P e t r i , ac proinde aptari posset legis dispositio, quae observantiam de casu ad casum, de loco ad locum, et de persona ad personam extendi prohibet, iuxta ea quae Doctores unanimiter tradunt, quos inter De Luci De Benef. disc. 29 n. 23* Pitonius Discept. Eccl. discept. 59 n. 20 etc.