O V E T E N . 345

demonstratur contraria voluntas. Tract. IX, P. IV, n. 100. Nec Sánchez dissentit, imo confirmat lib. 2, disp. 11, n. 20.

Emmanuel autem se retractavisse mandatum iuramento affirmat, quod si probaret, frustra hic quaereremus an ma- trimonium cum Damasa initum inter valida sit recensendum. Sed argumenta confirmativa ab eodem frustra expectamus. Quamdiu potuit, negavit se ulli dedisse contrahendi man- datum. Postea convictus apographo, et quo se verteret igno- rans, praesidium revocationis invocare coactus fuit, nihil aliud edicens nisi quod tempore utili, id se fecisse. Nullum itaque argumentum occurrit, quo revocatio mandati vere ab Emmanuele facta sit, et probari possit in foro externo. Hoc unum in hac causa occurrit, contradictio perpetua. Emmanuel enim prius negat, postea convictus, affirmat, restringit, di- latat, quin tuto affirmari possit, quae sit in hac re eius vera sententia. Porro si testis in parte verus et in parte falsus, in totum reputatur falsus 1. si ex falsis de Transact., quanto magis , qui in omnibus deprehenditur falsus , et convictus ignorantiam affectât, edicens, se rétractasse mandatum, quin modum valeat iudicare. Fidemne meretur, qui ita se gerit in proferenda testificatione, iuramento firmata?

Forte dicet aliqui s -, nec immerito: ex sententia Ooninkii, Sánchez, Salmanticensium retractatio implicita sufficit, quae verificatur etiam in sponsalibus initis. Emmanuel autem coniugium cum alia contraxit : implicita revocatio ergo oc- currit, quae maior desiderari non potest. Verum haec diffi- cultas, iuxta Canonistam, est prorsus inanis, nec ullo modo destruit thesim de validitate coniugii. Ut secundum matri- monium, personaliter initum, mandato anteriori praeiudicet, debet esse anterius executione mandati. In eo casu manda- tum cessat, et implicite revocatum esse censetur. Contra vero si executio mandati praecessit, matrimonium secundum non praeiudicat primo, quod in suo robore permanet. Iam- vero mandatum contrahendi procuratori collatum, executio- nem habuit 3 Martii 1884, matrimonium vero in civitate Habanensi ab Emmanuele contractum fuit 1. Iulii eiusdem