346 Appendix IX

ad illa mittendis, omnem et quamcumque mercaturam seu negotia- tionem, quocumque modo ab eis fieri contingat, sive per se sive per alios, sive proprio, sive communitatis nomine, directe sive indirecte, aut quovis alio praetextu, causa aut colore, interdicimus et prohi- bemus sub excommunicationis latae sententiae poena ipso facto incurrenda, ac privationis vocis activae et passivae, officiorum ac graduum et dignitatum quorumcumque, etiam inhabilitatis ad ea, et insuper amissionis mercium et lucrorum ex eis; quae omnia a Supe- rioribus Missionum, ex quibus delinquentes existent, reservanda erunt ad usum Missionum, quas eaedem Religiones habent et habiturae sunt in futurum in praedictis Indiis, et non in alios usus; eisdem Superioribus districte praecipientes sub eisdem poenis, ut in hoc invigilent, et contra delinquentes ad praedictas poenas procedant, sublata eisdem facultate huiusmodi delinquentibus aliquid ex dictis mercibus et lucris quantumvis minimum remittendi aut condo- nandi.

« § 9. Quod si forte aliquae controversiae inter Religiosos dicta- rum Religionum, quod Deus avertat, oriantur, Episcopi locorum praedictorum pro tempore existentes, tamquam Sedis Apostolicae delegati, illas decidant et terminent. Si vero graviora quaedam negotia occurrerint, ea ad nos et Romanos Pontifices et successores nostros quantocitius ab eisdem Episcopis referantur, ut quod in illis statui ac decerni debeat, matura consultatione adhibita, provi- deri possit; sicque volumus et ordinamus».

Sequuntur amplissimae clausulae confirmatoriae et derogatoriae atque in § 12 haec quoque iubentur: « Mandantes propterea universis et singulis Patriarchis, Archiepiscopis, Episcopis ac ceteris eccle- siarum et locorum etiam Regularium Praelatis per universum orbem constitutis, ut praesentes litteras in suis quisque provinciis, civita- tibus, dioecesibus, capitulis et iurisdictionibus ab omnibus inviola- biliter observari, et quoties ab Ordinum praedictorum Religiosis requisiti fuerint, solemniter publicari curent et faciant ».

Post huiusmodi Urbani VIII Constitutionem successit Constitutio Clementis IX, Sollicitudo, edita die 17 iunii 1669, in qua confirmavit Constitutionem Urbani quoad mercaturam, eamque extendit ad Mis- sionarios saeculares et ad alias regiones videlicet ad Americam sive Australem sive Septentrionalem. Constitutio autem est huiusmodi:

« Sollicitudo pastoralis officii, quo Ecclesiae catholicae per uni- versum orbem diffusae regimini per ineffabilem divinae sapientiae atque clementiae abundantiam praesidemus, non stimulat ut ea, quae christianae religionis catholicaeque fidei propagationi remoram vel impedimentum inficere, ac in virorum in sortem Domini vocatorum, et praesertim religiosorum, qui semetipsos abnegarunt et mundana omnia contempserunt ut Christum lucri facerent eiusque obsequiis mundo corde et mente tranquilla unice intenderent, honestatis gloria