346 OVETEN.

anni. Emmanuel Diaz detinebatur iam impedimento liga- minis, et mandatum effectum suum habuit, nec poterat re- vocari actu contrario, sed posteriori ratione temporis. Cum itaque Emmanuel Diaz nullo modo probare valeat revoca- tum a se fuisse contrahendi mandatum, matrimonium cum Damasa suo nomine initum, in suo robore permanet in foro externo.

Post haec ad alteram quaestionem descendens, quae in- consummationem respicit, praemonet ad solutionem conce- dendam matrimonii, simpliciter rati, processum conficiendum esse ad tramites iuris iuxta praescriptiones Benedicti XIV in Bulla Dei miseratione et Decreta novissima S. Congre- gationis Conc. Porro hic plura desiderantur, et processus imperfectus est. Nihilominus his quae in actis relata sunt acquiesci posse existimat, quandoquidem ex relatis in actis argumenta certissima deducuntur matrimonium mansisse tan- tummodo ratum. Curia Ovetensis testes advoca vit fide di- gnos, et ut potuit, respondere curavit praescriptionibus latis ad omnes praecavendos errores in re tanti momenti, qualis est solutio matrimonii rati. Si alios testes non compulsavit, ideo evenit, quia Emmanuel Diaz in ius ab ea vocatus non respondit. Curiae Habanensi paruit, verumtamen cum ma- trimonium a suo procuratore initum nullum esse reponeret, ratione revocationis mandati, causam a Damasa motam con- sideravit ut sibi extraneam.

Cum res ita se habeat, hanc secundam thesim probat sequentibus argumentis. Et ut clare procedat testium ve- stigiis inhaerens, dicit a) nullam intervenisse matrimonii consummationem, b) immo nec potuisse.

Cum de re facti agatur, nonnisi argumenta positiva pro- ferenda esse inquit. Si Emmanuel et Damasa aliquo tem- pore individuam vitae consuetudinem iniissent, praesumptio saltem secutae copulae dissipanda esset argumentis mora- liter certis, quae non semper praesto sunt: verum hic aliter procedendum est, et inquirere sufficit, an aliquando insimul cohabitaverint, et vitam traduxerint coniugalem. Atqui con-