S. Romana, Rota 347

vel a quindecim ad summum annis. Nam primo quidem testes a capel- lanis hospitalis dati vel munere capellanorum in eodem hospitali functi sunt ut Patres Perathoner, Corsetti, Pigato, vel hospitali addicti, ut sorores Marangoni et Priaro, Staffiere, Marchesini, Zigliotto, Rizzetti, vel famuli aut famulae capellanorum ut Trentin, Bila, Spaugher, etc., adeoque testes sunt valde idonei ad confirmandam consuetudinem vigentem in hospi- tali; testes vero a parocho S. Marci laudati vel fuerunt et sunt eccle- siae S. Marci addicti, ut Zecchini, Quattrini, Fox, vel aliis ecclesiis addicti ut Tromben, Franchini, Gabalisti etc., ideoque testes sunt minus idonei ad denegandam consuetudinem in hospitali S. Bartholomaei. Praesertim vero testes, qui asserunt consuetudinem illam paucis tantum abhinc annis invaluisse, loquuntur de more mortuos post peractum funus in hospitali, immediate et directe ducendi ab hospitali ad coemeterium, praesertim ope currus specialis: ita sac. Aloisius Zecchini ad tertium ex articulis propositis a procuratore capellanorum : sac. Angelus Quattrini in fine: iacobus Rizzi ad 18: Petrus Fox ad 23, etc. Quod si in ante- actum tempus mortui ab hospitali ad coemeterium plerumque noctu et communi cursu efferebantur, id per accidens se habet ad ius funerandi verum et proprium. -

Neque obest quod quamplurimi, iique graves testes deponant de funeribus ab immemorabili peractis in ecclesia S. Marci: id enim tan- tum probat ex consuetudine, de licentia, vel etiam absque licentia capel- lanorum hospitalis, inductum fuisse ut fideles defuncti in hospitali, post exsequias intra hospitale habitas, solemnioribus quoque exsequiis coho- nestarentur in parochia S. Marci. Ceterum in eiusmodi casibus, praxis ipsa qua capellani mortuos tradunt parocho S. Marci, satis superque probat hospitalis exemptionem, parochumque S. Marci nulla iurisdi- ctione parochiali in hospitalis finibus pollere. Parochus enim cum clero nunquam septa hospitalis ingreditur, sed in atrio sistit, ibique feretrum recipit a capellanis: sac. Aloisius Zecchini ad 5; Spaugher Aloisia ad 3; Hieronymus Lovato ad 18 et 25, etc.

Cum igitur capellani probaverint competere hospitali S. Bartholo- maei exemptionem ex immemorabili consuetudine, non officit declaratio episcopi Vicentini, quod in tota dioecesi duo tantum sint instituta exempta: ea enim probaret ad summum exemptionem hospitalis S. Bar- tholomaei non profluere ex privilegio episcopali.

Concludendum igitur est ex actis et allatis certo constare hospitali S. Bartholomaei competere exemptionem totalem, sensu supra exposito, a quacumque paroeciali iurisdictione: parochi S. i Marci; tum quoad'admi- nistrationem sacramentorum, quae infirmis mimstrarirsolent, Roehiten-