Appendix IX 347

maculam ponere possent, salubri sanctione e medio tollere atque radicitus evellere studeamus.

« § 1. Dudum siquidem felicis recordationis Urbanus Papa VIII praedecessor noster, considerans per sacros canones, conciliorum decreta et constitutiones apostolicas omnibus religiosis, ac etiam aliis ecclesiasticis, praesertim in sacris ordinibus constitutis, merca- turam et negotiationes saeculares districte prohiberi, ac valde dam- nosum, indecorum et indecens existere huiusmodi personas divino cultui mancipatas, ac praecipue illas quae ad praedicandum sacro- sanctum Christi Domini Evangelium destinatae sunt, mercaturae et negotiationibus huiusmodi se immiscere aut operam dare, per quan- dam suam in simili forma Brevis die xxii februarii MDCXXXIII ema- natam constitutionem, inter alia, religiosis omnibus cuiuscumque Ordinis et instituti, tam non Mendicantium quam Mendicantium, etiam Societatis Iesu, eorumque singulis, tam tunc in insulis, pro- vinciis, regionibus et regnis Indiae Orientalis, ac Chinae et laponum existentibus, quam in futurum ad illa mittendis, omnem et quam- cumque mercaturam seu negotiationem quocumque modo ab eis fieri contingeret, seu per se, sive per alios, sive proprio, sive communi- tatis nomine, directe, sive indirecte, aut quovis alio praetextu, causa vel colore, interdixit et prohibuit sub excommunicationis latae sen- tentiae poena ipso facto incurrenda, ac privationis vocis activae et passivae, officiorum ac graduum et dignitatum quarumcumque, et inhabilitatis ad ea, ac insuper amissionis mercium et lucrorum ex eis factorum: quae omnia a superioribus religionum, ex quibus delin- quentes existèrent, reservanda essent ad usum missionum, quas eaedem religiones habebant et' ir: futurum habiturae erant in Indiis praedictis, et non in alios usus: ac eisdem superioribus districte praecepit, sub eisdem plenis, ut in hoc invigilarent, et contra delin- quentes ad praedictas poenas procederent, sublata eisdem facultate huiusmodi delinquentibus aliquid ex dictis mercibus et lucris quan- tumvis minimum remittendi aut condonandi, et alias prout in dicta Urbani praedecessoris constitutione, cuius tenorem praesentibus pro plene et sufficienter expresso ac de verbo ad verbum inserto haberi volumus, uberius continetur.

« § 2. Cum autem (sicut non sine gravissimo animi nostri dolore accepimus) multi ex iisdem religiosis et personis ecclesiasticis, pro- priae professionis iniunctique sibi gravissimi ministerii immemores, ab eiusmodi mercatura et negotiationibus secularibus non absti- neant, sed sese a debita praedictae constitutionis Urbani praedeces- soris observatione sub variis praetextibus, coloribus et subterfugiis eximere conati fuerint, et satagant de praesenti, in deplorandam animarum suarum perditionem, perniciosum quoque exemplum et scandalum plurimorum: nos, salutaribus Doctoris Gentium praece- ptis edocti, quod nemo militans Deo implicat se negotiis saecularibus,