EXECUTIONE TRANSACTIONIS 347

ticulo tertio initae transactionis, manifesto erumpere tenet sti- pulationem, suum inter clientem et Archiepiscopum, initam fuisse ad incertum diem, qui conditionem facit.

Omnis autem conditionis vim esse, subsumit, ut ea verificata, perinde habetur ac si ab initio pure debitum fuisset, cum tempus omne suspensionis atque expectationis eventus, ministerio iuris subducatur. Ita Gaius in L. 11 ff. 'Qui potiores in pignore §. 1 - ibi - « Cum enim semel conditio exstitit, perinde habetur, ac si illo tempore, quo stipulatio interposita est, sine conditione facta esset. Concinit L. 26 ff.de condit, instit., et I. 8 ff. De pericul. et commod. rei vindicatae. Cum igitur Paroecia s. Mariae Maioris neque patronata 'sit neque electiva, sed liberae colla- tionis, cumque vigore iuris ipsiusmet vacatio, quocumque tempore contigisset, retrotrahenda erat ad diem initae conventionis, ad mensem nempe Iunium, in quo Archiepiscopo facultas data est vacantia beneficia conferre, prono veluti alveo fluere concludit, paroeciam in themate sacerdoti G. conferendam esse.

Quin dici valeat casum vacationis, iuris ministerio, retrotrahi non posse a mense reservato ad non reservatum cum laesione iurium s. Sedis. Cum enim Apostolica Sedes concordiam inter partes initam approbaverit atque confirmaverit, idcirco non po- terat non agnoscere , atque non comprobare singulos iuris ef- fectus, a confirmata conventione procedentes, et praecipue ut eveniente vacatione in mensibus reservatis, casus fuisset retro- trahendus ad diem initae concordiae.

Sed rem in secundo capite urgens, sustinet sub nomine paroe- ciarum liberae collationis venire etiam paroecias vacantes intra octo menses s. Sedi reservatos. Summus namque Pontifex, suprema qua gaudet potestate in universa Ecclesia, omnium beneficiorum or- dinarius collator est, et huius tantum auctoritate Ordinarii sunt beneficiorum collatores Can. 20 quaest. S caus. 9, D e Luca de be- nefc. diseurs. 12 num. 28, Devoti Instit. can. lib. 1 tit. 1 sect. 3 num. 30. Cum ergo sacerdoti G. facultas data fuerit in transa- ctione, optandi ad paroecias quascumque liberae collationis, cum- que transactio ipsa a Summo Pontifice, qui omnium beneficiorum liberae collationis universalis collator est, approbata, atque con-