INSTRUCTIO 347

6. Praedictae deputationes et delegationes in scriptis ab Ordi- nario fiant, et earum authentica documenta vel saltem mentio in actis prostent.

7. Moderatoris actorum erit tribunal convocare, partes et testes citare, ut in iudicium compareant ; terminos dilationis concedere, quoties rationabiliter ab iis qui ius habent, petantur; edere decreta, et ordinationes pro regulari et recta actorum compilatione. Quae omnia scripto erunt exaranda, et in actis ipsis recensenda.

8. Defensor matrimonii antequam munus sibi commissum susci- piat, coram actorum moderatore iuramentum praestabit factis San- ctis Evangeliis de munere suo diligenter et incorrupte adimplendo, spondens se omnia voce et scripto deducturum, quae ad validitatem matrimonii sustinendam conferre iudicaverit. Hic matrimonii defen- sor a moderatore actorum citandus erit ad quaelibet acta, ne vitio nullitatis concidant; eidem semper et quandocumque acta processus, etsi nondum publicati, erunt communicanda, semper et quandocum- que eius scripta recipienda, atque novi termini, eo flagitante, pro- rogandi, ut ea scripta perficiat atque exhibeat,

9. Quod si ob peculiares circumstantias matrimonii defensor singulis actis interesse nequiverit, absoluto processu, eadem ipsi tra- duntur, ut eas exarare queat animadversiones, quas tuendae ma- trimonii validitati necessarias iudicaverit; si alia acta suggesserit, haec conficienda omnino erunt; si ex iam confectis deprehenderit alias adesse personas testimonio ferendo idoneas et opportunas non- dum examinatas, has examini subiiciendas proponet. (1)

TITULUS TERTIUS

De methodo sequenda in actis conficiendis.

10. Constituto tribunali , haec actorum conficiendorum ratio- tenenda erit. Ab omnibus et singulis testimonium dicturis mode- rator actorum ante omnia iuramentum exiget de veritate dicenda, et si ita res postulet, etiam de secreto servando, praemissa congrua monitione de iuramenti sanctitate, praesertim si examinandi rudes sint et ignari. Iuramentum praestandum erit, factis Sanctis Evan- geliis, et in singulis examinibus eodem modo repetendum.

11. Qui examini subiiciendi sunt, seorsum semper audiantur. Porro cancellarius adnotabit diem, mensem, et annum cuiuslibet

(1) Constit. Bened. X I V a §. 5 usque a §. Hisce praemissis usque ad §. Cum

ad §. 7 inclusive; et Instruct. S. C. C. itaque inclusive.